گورنمنٹ ویمن ڈگری کالج برائے اناث گولکنڈہ میں روڈ سیفٹی بیداری پروگرام کا انعقاد

حیدرآباد۔20/دسمبر(پریس نوٹ)سرکردہ این جی او’مسکان فاؤنڈیشن فار روڈ سیفٹی‘کے ذریعہ ہفتہ کو گورنمنٹ ویمن ڈگری کالج برائے اناث گولکنڈہ میں روڈ سیفٹی بیداری اور ایمرجنسی رسپانس ٹریننگ پروگرام کا انعقاد کیا گیا۔ یہ پروگرام تلنگانہ گورنمنٹ،کمشنر آف کالجیٹ ایجوکیشن کے ساتھ (ایم او یو) کا حصہ تھا۔ حیدرآباد میں مسکان فاؤنڈیشن کے زیر اہتمام یہ پانچواں پروگرام تھا۔ اس پروگرام کے ایک حصے کے طور پر طالبات کو ٹرافک قوانین، روڈ سیفٹی کے طریقوں اور ہنگامی حالات میں جان بچانے کے طریقوں کے بارے میں معلومات فراہم کی گئیں۔ روڈ سیفٹی کے بارے میں مسلسل آگاہی برقرار رکھنے کے لیے کالج میں باضابطہ طور پر ایک خصوصی روڈ سیفٹی کلب کا آغاز کیا گیا۔ تربیت کے ایک حصے کے طور پرطالبات نے پوسٹر سازی کے مقابلوں میں حصہ لیا اور عوام تک حفاظتی پیغامات پہنچانے کے لیے روڈ مہم کا اہتمام کیا۔ نئے بننے والے روڈ سیفٹی کلب کے ممبران نے پروگرام کی کامیابی سے نگرانی کی۔ ‘Stellantis’ نے اپنی کارپوریٹ سماجی ذمہ داری (CSR) کے تحت اس سماجی اقدام کو مالی مدد فراہم کی۔ پروگرام میں کالج کے پرنسپل پروفیسر کے پروین کمار، وائس پرنسپل ڈاکٹر حمیرہ سعیددیگر اساتذہ نے شرکت کی۔ نیشنل سروس اسکیم (NSS) کے رضاکاروں نے اس پروگرام کے انعقاد میں کلیدی کرداراداکیا۔