آیوشمان بھارت ڈیجیٹل مشن کے تحت تمام نجی صحت کے ادارے رجسٹریشن کرائیں: ضلع کلکٹر راہل کرڈیلے

ناندیڑ :9؍ستمبر (نمائندہ اعتبار) آیوشمان بھارت ڈیجیٹل مشن (ABDM) کے تحت ناندیڑ ضلع کو’ABDM ماڈل ضلع‘ کے طور پر منتخب کیا گیا ہے۔ اس پس منظر میں ضلع کے تمام سرکاری اداروں کے ساتھ ساتھبامبے نرسنگ ہوم ایکٹ اور دیگر متعلقہ قوانین کے تحت رجسٹرڈ نجی اسپتالوں، دواخانوں، تشخیصی مراکز، لیبارٹریز، میڈیکل اسٹورز اور ایکس رے، ایم آر آئی وغیرہ امیجنگ مراکز کے لیےہیلتھ فیسلٹی رجسٹری (HFR) میں رجسٹریشن کرانا ضروری ہے۔ اسی طرح ان اداروں میں خدمات انجام دینے والے طبی افسران اور نرسوں کوہیلتھ پروفیشنل رجسٹری (HPR) میں رجسٹریشن کرانا ہوگا۔ ضلع کلکٹرراہل کرڈیلے نے تمام متعلقہ اداروں سے اپیل کی ہے کہ وہ یہ رجسٹریشن فوری طور پر مکمل کریں۔آیوشمان بھارت ڈیجیٹل مشن کا مقصد ملک کے شہریوں کے لیے ایک مؤثر اور محفوظ ڈیجیٹل صحت کا نظام قائم کرنا ہے۔ شہریوں کی طبی رپورٹس، معائنے کے نتائج، ادویات کے نسخے اور دیگر صحت سے متعلق ریکارڈ کو ڈیجیٹل شکل میں محفوظ رکھنا، مریضوں کے لیے صحت خدمات کو مزید آسان بنانا اور مریضوں، طبی ماہرین اور صحت اداروں کو ڈیجیٹل ذرائع سے ایک دوسرے سے مربوط کرنا اس مہم کے اہم مقاصد ہیں۔اس نظام کے ذریعے ہر شہری کے لیے14 ہندسوں کا آیوشمان بھارت ہیلتھ اکاؤنٹ (ABHA) نمبر دستیاب ہوتا ہے۔ شہری اپنی طبی رپورٹس اور دیگر صحت سے متعلق ریکارڈ ڈیجیٹل طریقے سے محفوظ رکھ سکتے ہیں۔ متعلقہ صحت معلومات کا تبادلہ مریض کی رضامندی کی بنیاد پر کیا جاتا ہے۔ اس طرح ڈیجیٹل نظام صحت سے متعلق معلومات کی رازداری اور سلامتی برقرار رکھنے میں مددگار ثابت ہوتا ہے۔نیشنل ہیلتھ اتھارٹی، حکومت ہند اورڈائریکٹوریٹ آف ہیلتھ سروسز، ممبئی کی ہدایات کے مطابق ناندیڑ ضلع کو ’ABDM ماڈل ضلع‘ کے طور پر منتخب کیا گیا ہے۔ ضلع کے تمام سرکاری صحت اداروں کیHFR میں رجسٹریشن مکمل کرلی گئی ہے، جبکہ متعلقہ طبی افسران اور نرسوں کیHPR میں رجسٹریشن بھی کی جاچکی ہے۔ اس کے علاوہ شہریوں کےABHA اکاؤنٹ بنانے کا عمل روزانہ کی بنیاد پر جاری ہے۔اس سلسلے میں ضلع کلکٹرراہل کرڈیلے اور ضلع پریشد کے چیف ایگزیکٹیو آفیسرمہیش پاٹل کی صدارت میں ایک جائزہ اجلاس منعقد ہوا۔ اجلاس میںانڈین میڈیکل ایسوسی ایشن، نیشنل انٹیگریٹڈ میڈیکل ایسوسی ایشن، ہومیوپیتھک میڈیکل ایسوسی ایشن آف انڈیا اورانڈین ڈینٹل ایسوسی ایشن کے صدور، سکریٹریز اور نمائندگان کے علاوہ اسسٹنٹ کمشنر، فوڈ اینڈ ڈرگ ایڈمنسٹریشن، ناندیڑ بھی موجود تھے۔ضلع کےمیونسپل کارپوریشن علاقوں، تعلقہ سطح اور دیہی علاقوں میں موجود تمام نجی اسپتالوں، دواخانوں، تشخیصی مراکز، لیبارٹریز، میڈیکل اسٹورز اور ایکس رے، ایم آر آئی وغیرہ امیجنگ مراکز سے اپیل کی گئی ہے کہ وہ آیوشمان بھارت ڈیجیٹل مشن کے تحتHFR میں رجسٹریشن کرائیں۔ اسی طرح متعلقہ اداروں میں خدمات انجام دینے والے طبی افسران اور نرسوں کوHPR میں رجسٹریشن کرانا چاہیے۔HFR اور HPR رجسٹریشن کے لیے متعلقہ سرکاری ویب سائٹ کا استعمال کرنے کی اطلاع بھی دی گئی ہے۔
جعلی طبی ماہرین کے خلاف کارروائی، غیر قانونی اسقاطِ حمل اور مادۂ جنین کے قتل کی روک تھام:
اجلاس میں جعلی طبی ماہرین کے خلاف کارروائی، غیر قانونی اسقاطِ حمل اورمادۂ جنین کے قتل کی روک تھام کے لیے مؤثر اقدامات کرنے اور متعلقہ محکموں کے درمیان تال میل بڑھانے کے سلسلے میں بھی تفصیلی تبادلۂ خیال کیا گیا۔اس کے علاوہ14 سے 15 سال کی عمر کی لڑکیوں کے لیے HPV ویکسینیشن مہم کو مؤثر طریقے سے نافذ کرنے کے سلسلے میں بھی جائزہ لیا گیا۔اس موقع پرضلع سرجن ڈاکٹر سنجے پیرکے اورضلع صحت افسر ڈاکٹر سنتوش ناولے نے متعلقہ موضوعات پر پریزنٹیشن پیش کی۔