ہپی کلب فاؤنڈیشن کی جانب سے عطیہ خون کیمپ کا کامیاب انعقاد

ناندیڑ: 22؍ جولائی ( نامہ نگار) ناندیڑ شہر کے نیا مجام پیٹھ علاقہ میںنورانی مسجد کے قریب شہدائے کربلا کی یاد میں ہپی کلب فاؤنڈیشن ناندیڑکی جانب سے 21 جون کو ایک عطیہ خون کیمپ کا انعقاد عمل میں آیا۔ اس کیمپ میں کم و بیش 40 ؍ افراد نے اپنا خون کا عطیہ دیا۔ جس میں 11 خواتین بھی شامل ہیں۔ اس موقع پر ہپی کلب فاؤنڈیشن کے ذمہ داران موجود تھے۔ واضح رہے کہ ہپی کلب فاؤنڈیشن کی جانب سے مختلف فلاحی اقدامات گزشتہ کئی سالوں سے جاری ہیں۔ جس میں قابل ذکر یہ ہے کہ ریلوے اسٹیشن ناندیڑ پر روزانہ رات آٹھ بجے کے قریب مستحق و نادار ، بے سہارا لوگوں کو کھانا کھلایا جارہا ہے اور بڑی تعداد میں بے سہارا خواتین، بچے و بوڑھے کھانا کھا رہے ہیں۔ اس کے علاوہ سرکاری اسپتال وشنوپوری کے احاطہ میں بھی مریضوں کے رشتہ داروں کو روزانہ کھانا کھلایا جارہا ہے۔ جس سے بلا لحاظ مذہب و ملت سینکڑوں افراد مستفید ہورہے ہیں۔