SIR مہاراشٹر — تیسرا مرحلہ۔ اب عام شہریوں کو کیا کرنا ہے؟

تحریر: | محمد اظہر خان(ناندیڑ)
مومنٹ فار پیس اینڈ جسٹس اینڈ ویلفیئر مہاراشٹر

SIR کے تیسرے مرحلے میں ہر شہری کے لیے چند اہم باتوں پر توجہ دینا بہت ضروری ہے۔ اپنے اور اپنے خاندان کے ووٹ کے ریکارڈ کو محفوظ رکھنے کے لیے یہ کام ضرور کریں:
1️⃣ Form-6 کے بارے میں خاص توجہ دیں:
جن لوگوں نے SIR کا فارم جمع نہیں کیا، جنہیں ابھی تک SIR کا فارم نہیں ملا، جن کا نام ابھی تک ووٹر لسٹ میں نہیں ہے یا جن کا الیکشن کارڈ نہیں بنا، یا جن کا 2002 کی ووٹر لسٹ میں نام موجود ہے لیکن 2026 کی ووٹر لسٹ میں نام موجود نہیں ہے، ایسے افراد متعلقہ BLO سے رابطہ کریں اور Form-6 کے ذریعے اپنا نام ووٹر لسٹ میں شامل کرانے کی کارروائی کریں۔
👉 جن اہل افراد کا نام ووٹر لسٹ میں نہیں ہے، وہ Form-6 کو نظر انداز نہ کریں۔
2️⃣ Form-7 / Objection پر نظر رکھیں:
اگر کسی شخص کے نام کے خلاف Objection آتا ہے یا Form-7 کے ذریعے اعتراض داخل کیا جاتا ہے تو اس پر نظر رکھنا بہت ضروری ہے۔
اگر کسی نے آپ کے نام کے خلاف Form-7 داخل کیا ہے تو گھبرائیں نہیں۔ پہلے اعتراض کی تفصیل معلوم کریں اور مقررہ طریقہ کار کے مطابق اپنا جواب اور ضروری دستاویزات جمع کریں۔
اگر کوئی شخص جان بوجھ کر غلط معلومات یا بدنیتی سے آپ کے خلاف اعتراض داخل کرتا ہے، تو متعلقہ انتخابی افسر، ضلع کلکٹر یا ضرورت کے مطابق پولیس حکام سے شکایت کرنے کا قانونی راستہ موجود ہو سکتا ہے۔
3️⃣ SIR کی Notice کو ہرگز نظر انداز نہ کریں:
اگر SIR کے سلسلے میں آپ کو Notice موصول ہوتی ہے تو اسے اچھی طرح پڑھیں اور اس میں دی گئی ہدایات پر عمل کریں۔
مقررہ وقت کے اندر BLO یا متعلقہ انتخابی افسر سے رابطہ کرکے اپنا جواب اور ضروری دستاویزات جمع کریں۔
صرف یہ سوچ کر خاموش نہ رہیں کہ BLO خود سب کچھ کر دے گا۔ اپنے معاملے کی پیش رفت خود بھی چیک کرتے رہیں۔
4️⃣ Draft Voter List ضرور چیک کریں:
سب سے اہم کام یہ ہے کہ Draft Voter List جاری ہونے کے بعد اپنا نام ضرور چیک کریں۔
اپنا، اپنے والدین، بیوی/شوہر اور تمام اہل بالغ افراد کے نام ووٹر لسٹ میں موجود ہیں یا نہیں، یہ ضرور دیکھیں۔
📅 اہم مدت: 31 اگست سے 30 ستمبر 2026:
اس مدت میں Claims اور Objections داخل کیے جا سکتے ہیں۔ اس لیے ہر شہری اپنے نام کی جانچ کرے اور کسی بھی Objection، Notice یا نام سے متعلق مسئلے کو آخری وقت تک نہ چھوڑے۔
⚠️ یاد رکھیں!
ووٹ ہمارا جمہوری حق ہے، لیکن اپنے ووٹ کے ریکارڈ کی حفاظت کرنا ہماری ذمہ داری بھی ہے۔
اپنے نام کی جانچ کریں، گھر کے تمام اہل افراد کے نام بھی چیک کریں اور اپنے آس پاس کے لوگوں کو بھی اس بارے میں آگاہ کریں۔
👇 آپ کا فارم نمبر 7 یا (10) کس نے بھرا ہے، ان لوگوں کے ناموں کی لسٹ ویب سائٹ پر دیکھی جا سکتی ہے۔
براہِ کرم نیچے دی گئی Election Commission of India (ECI) کی سرکاری ویب سائٹ کھولیں اور اپنے فارم/ریکارڈ کے مطابق نام چیک کریں:
"ECI Voter Service Portal — سرکاری ویب سائٹ” (https://reference-url-citation.invalid/0)
اپنا نام اور متعلقہ تفصیلات چیک کرکے فہرست میں موجود ناموں کی تصدیق کر لیں۔