شیخ سمیر کو خون عطیہ کرنے کے کیمپ میں نمایاں خدمات پر توصیفی سند اور اعزاز سے نوازا گیا

سیلو :30؍اکتوبر(ابرار بیگ)سماجی کاموں میں گراں قدر تعاون دیتے ہوئے خون عطیہ کرنے کی تحریک کو فروغ دینے والے شیخ سمیر شیخ قمر کو ان کی نمایاں خدمات پر ضلع اسپتال، پربھنی اور میتری بلڈ بینک کی جانب سے آج بروز جمعہ، 30 اکتوبر کو توصیفی سند اور اعزازی نشان دے کر سرفراز کیا گیا۔یووتھ موومنٹ آف مہاراشٹر” کی جانب سے ہر سال عید میلاد النبی کے موقع پر منعقدہ خون عطیہ کیمپ میں ان کی خصوصی خدمات کا نوٹس لیتے ہوئے یہ توصیفی سند پیش کی گئی۔ خون کا عطیہ دینا سب سے بڑا عطیہ ہے، اور ضرورت مند مریضوں کو بروقت خون کی فراہمی کے لیے اس تحریک میں بڑھ چڑھ کر حصہ لینا وقت کی اہم ضرورت ہے۔شیخ سمیر شیخ قمر کی اس سماجی خدمات کو تمام حلقوں کی طرف سے سراہا جا رہا ہے اور ان پر مبارکبادوں کی بوچھاڑ ہو رہی ہے۔