دسویں جماعت کا نتیجہ کل جاری ہوگا

شولاپور: 12؍مئی ( آفرین شیخ )مہاراشٹر اسٹیٹ بورڈ آف سیکنڈری اینڈ ہائیر سیکنڈری ایجوکیشن کے تحت لیے گئے دسویں جماعت کے امتحان کا آن لائن نتیجہ کل، 13 مئی کو جاری کیا جائے گا۔ یہ نتیجہ دوپہر 1 بجے بورڈ کی سرکاری ویب سائٹ پر دستیاب ہوگا۔کچھ دن پہلے ہی بورڈ نے بارہویں جماعت کا نتیجہ جاری کیا تھا، جس کے بعد سے دسویں جماعت کے طلبہ اور ان کے والدین کو نتیجے کا بے چینی سے انتظار تھا۔ اب یہ انتظار ختم ہو چکا ہے۔ بورڈ نے اعلان کیا ہے کہ دسویں جماعت کا نتیجہ کل 13 مئی کو جاری کیا جائے گا۔نتیجہ دوپہر 1 بجے بورڈ کی سرکاری ویب سائٹ پر آن لائن دیکھا جا سکے گا۔ اس کے بعد مقررہ مدت میں اسکولوں کے ذریعے طلبہ کو ان کی اصل مارکس شیٹ فراہم کی جائے گی۔دسویں جماعت کے یہ امتحانات فروری-مارچ 2025 میں منعقد ہوئے تھے۔ اب چونکہ نتیجے کی تاریخ کا اعلان ہو چکا ہے، طلبہ کا انتظار ختم ہو گیا ہے۔
طلبہ اپنے نتائج مندرجہ ذیل ویب سائٹس پر دیکھ سکتے ہیں
https://results.digilocker.gov.in
https://sscresult.mahahsscboard.in
http://sscresult.mkcl.org