پرافیٹ فار آل مہم کے تحت جاری یوم خدمتِ انسانیت کا اورنگ آباد میں کامیاب تقریب کا انعقاد

اورنگ آباد:25 اگست(راست) حضرت محمد صلی اللہ علیہ وآلہ وسلم کے یومِ پیدائش کے مبارک موقع پر حضور صلی اللہ علیہ وآلہ وسلم سب کے لیے مہم کی معرفت بروز پیر شہر اورنگ آباد کے کفیل ایجوکیشن سوسائٹی، بنتِ حوا گروپ کے ڈاکٹر فردوس فاطمہ اور رمضانی خان سوشل ورکر کے اشتراک سے کارپوریشن کے ملازمین کے ساتھ خدمتِ انسانیت تقریب کا انعقاد کیا گیا۔ نبی کریم صلی اللہ علیہ وسلم سے اپنی محبت کے اظہار اور ان کی تعلیمات پر عمل پیرا ہونے کے لیے ایک اہم، بامعنی، بامقصد کے تحت یہ انسانیت کے پیغام کو عام کرنے کے لیے کاوش کی۔ فردوس فاطمہ نے اس مبارک تقریب میں نبی کریم کی تعلیمات کو بہت خوبصورت انداز میں پیش کیا۔ رسول صلی اللہ علیہ وآلہ وسلم کائنات کے تمام انسانوں کے لیے مثال ہیں۔ آپ صلی اللہ علیہ وآلہ وسلم کا اخلاق بلند مرتبے والا اور آپ دشمن کے لیے بھی خیر پسند فرماتے، اسی لیے محسنِ انسانیت کے لقب سے نوازے گئے۔ اس طرح سے نبیﷺ کے پیغام کو تقریب میں موجود تمام اراکین، ملازمین راجو گندپت کامبڑے، ستیش ناڈے، امول موکڑے، منگیش، کشور، رتھک نادے ودیگر کے ساتھ خوب اسلوبی، خوش مزاجی کے ساتھ رمضانی خان اور ڈاکٹر فردوس فاطمہ نے نبی کریم صلی اللہ علیہ وسلم کے پیغام کو پہنچانے کی بہترین جدوجہد کی اور پروگرام کو کامیابی کے ساتھ ہمکنار کیا۔