نیپال میں پھنسے سیاح ضلعی ایمرجنسی ورک سینٹر سے رابطہ کریں

ناندیڑ: 26 ؍اگست(نمائندہ اعتبار) نیپال کے رسوا ضلع میں بھوٹے کوشی ندی میں سیلاب آنے کے باعث معمولاتِ زندگی متاثر ہوئے ہیں۔ اس قدرتی آفت کے پیشِ نظر مختلف ممالک کے سیاحوں اور شہریوں کی حفاظت سے متعلق معلومات جمع کرنے کا کام شروع کر دیا گیا ہے۔اس پس منظر میں ناندیڑ ضلع کے وہ سیاح جو اس وقت نیپال میں موجود ہیں اور سیلاب کی صورتحال کے باعث وہاں پھنس گئے ہیں یا جن کا اپنے اہلِ خانہ سے رابطہ نہیں ہو پا رہا ہے، وہ خود یا ان کے رشتہ دار فوری طور پر ضلعی ایمرجنسی ورک سینٹر، ضلع کلکٹر دفتر، ناندیڑ سے رابطہ کریں۔ یہ اپیل ضلعی انتظامیہ کی جانب سے کی گئی ہے۔
اس سلسلے میں درج ذیل نمبروں پر رابطہ کیا جا سکتا ہے:
ضلعی ایمرجنسی ورک سینٹر، ناندیڑ
02462-235077
1077 (ٹول فری)
نیپال میں پھنسے سیاحوں سے متعلق انتظامیہ کو معلومات فراہم کرتے وقت متعلقہ شخص کا نام، موبائل نمبر، نیپال میں موجودہ مقام یا ہوٹل، سفر کی تفصیلات اور اگر دستیاب ہو تو اہلِ خانہ کا رابطہ نمبر فراہم کیا جائے۔ناندیڑ ضلع کے شہری گھبرانے کے بجائے مستند معلومات کے لیے ضلعی انتظامیہ سے رابطہ کریں۔ انتظامیہ کی جانب سے آفت زدہ علاقوں میں موجود شہریوں اور سیاحوں کی حفاظت کے لیے ضروری معلومات حاصل کرنے اور متعلقہ اداروں کے درمیان رابطہ و تعاون قائم کرنے کی کوششیں کی جا رہی ہیں۔