تحریکِ طالبِ علم ( اقوالِ زرین۔قسط:57)

٭ کوئی بھی شخص اپنی صلاحیتوں کا اندازہ اس وقت تک نہیں لگا سکتا جب تک انھیں استعمال نہ کرے۔

٭ کامیابی دِن رات کی جانے والی چھوٹی چھوٹی کوششوں سے سامنے آنے والے نتیجے کا نام ہے۔

٭ کامیابی کے لیے ضروری ہے کہ کامیاب ہونے کی تڑپ‘ ناکام ہونے کے ڈر پر حاوی ہوجائے۔

٭ زندگی بہت مختصر ہے جب سمجھ آنے لگتی ہے تو دُنیا میں رہنے کا وقت بہت کم رہ جاتا ہے۔

٭ اِ س سے کوئی فرق نہیں پڑتا کہ آپ کہاں سے ہیں‘ آپ کے خواب مضبوط ہونے چاہئیں۔

٭ اِس دُنیا میں لوگ بڑے نہیں ہوتے ہیں بلکہ چیلنجز بڑے ہوتے ہیں جن کے سامنے عام انسان اُٹھ کھڑے ہوتے ہیں۔

٭ ماضی سے سیکھو، آج کے لیے جیو، کل کے لیے پُرامید رہو اور اہم یہ ہے کہ سوال کرنے سے مت رُکو۔ ( البرٹ آئنسٹائن)

٭ ہارے ہوئے کی صلح، جیتے ہوئے کا تجربہ اور خود کا دماغ انسان کو کبھی ہارنے نہیں دیتا ہے۔

٭ ضد ہے تبھی تو آگے بڑھنے کا جذبہ ہوگا کبھی دیکھا ہے مرے ہوئے آدمی کو جیتتے ہوئے۔

٭ اگر آپ کے ذہن میں آپ کی کامیابی کی تصویر نہیں تو حقیقت میں بھی آپ کامیاب نہیں ہوسکتے۔

٭ آپ اپنی صلاحیتوں کو پہچان کر لوگوں کے لیے مفید اور دُنیا میں تبدیلی کا باعث بنیں۔

٭ سونا تو چاہتا ہوں میں بھی آرام سے لیکن، میرے بڑے خواب مجھے سونے کی اجازت نہیں دیتے۔

٭ جہاں سب کی ہمت ختم ہوتی ہے وہاں سے ہی تاریخ رقم کرنے والوں کی شروعات ہوتی ہے۔

٭ بہت محنت لگتی ہے سلطنت بنانے میں لیکن جب بنتی ہے تو بادشاہ بھی آپ ہی ہوتے ہیں۔

٭ آپ نے کیا پایا سے زیادہ آپ کن مشکلات سے اُبھرے‘ یہ اہمیت رکھتا ہے، یہی آپ کے کریئر کو بیان کرتا ہے۔

٭ کسی کو کوئی فرق نہیں پڑتا کہ آپ کس حالات میں جی رہے ہیں آپ کو خود ہی اپنے حالات بدلنے ہوں گے۔

٭ زندگی میں آپ کتنی بار ہارے یہ کوئی معنی نہیں رکھتا کیوں کہ آپ جیتنے کے لیے پیدا ہوئے ہیں۔

٭ کامیابی آپ سے ۶؍ چیزیں مانگتی ہے:
( ۱) محنت ( ۲) قربانی ( ۳) جدوجہد (۴) جنون ( ۵) صبر ( ۶) یقین

٭ آپ جہاں بھی ہیں اور آپ کے پاس جتنے بھی وسائل ہیں ‘ ان کی مدد سے آپ جو کرسکتے ہیں‘ کر گزریئے۔

٭ آپ کو زندگی میں جتنے زیادہ چیلنجز کا سامنا کرنا پڑتا ہے‘ اتنا ہی زیادہ آپ زندگی کا تجربہ کرتے ہیں۔

٭ کسی مثالی انسان کی تلاش کرنے کے بجائے کیوں نہ ہم خود مثالی انسان بن جائیں جسے دیکھ کر اوروں کو تحریک ملے۔

٭ تاریخ شاہد ہے کہ اقلیت و اکثریت جو بھی ہو، قوم وہی ترقی کرتی ہے جو خود ترقی کا جذبہ رکھتی ہے۔

٭ میدان میں ہارا ہو ااِنسان پھر سے جیت سکتا ہے لیکن احساسِ کمتری والا انسان کبھی نہیں جیت سکتا۔

٭ دُنیا میں جس نے بھی بڑا بدلاؤ کیا ہے اُسے شروعات میں لوگوں نے بیوقوف کے خطاب سے ہی نوازا تھا۔

٭ جہاں تک دکھائی دے وہاں تک جانے کی کوشش ضرور کریں جب آپ وہاں پہنچو گے تو آپ اُس سے آگے بھی دیکھ پاؤ گے۔