ضلع پریشد اور پنچایت سمیتیوں کے عام انتخابات کے لیے حتمی ووٹر لسٹ جاری

ناندیڑ: 4؍نومبر(نمائندہ اعتبار) مہاراشٹر ریاستی الیکشن کمیشن کے 27؍اکتوبر 2025ء کے مکتوب کے مطابق ناندیڑ ضلع کی ضلع پریشد اور اس کے تحت آنے والی 16؍پنچایت سمیتیوں کے عام انتخابات کے لیے ووٹر لسٹ تیار کرنے کا شیڈول جاری کیا گیا تھا۔اسی کے تحت حتمی ووٹر لسٹ 3؍نومبر 2025ء کو جاری کی گئی ہے۔ یہ حتمی فہرست متعلقہ تعلقہ دفتر، متعلقہ پنچایت سمیتی دفتر اور ضلع کلکٹر آفس کی ویب سائٹ [https://nanded.gov.in](https://nanded.gov.in) پر شائع کی گئی ہے۔ اس بات کی اطلاع ضلع کلکٹر راہل کرڈیلے نے پریس ریلیز کے ذریعے دی ہے۔