بار ایسوسی ایشن پربھنی کی جانب سے ریٹائرڈ سیشن جج ایڈووکیٹ عبد الحفیظ و سینئروکلاء کی خدمات کی پذیرائی

پربھنی:5؍اکتوبر(نامہ نگار)بار ایسوسی ایشن پربھنی کی جانب سے اکشدا منگل کاریالیہ پربھنی میں منعقدہ ایک باوقار تقریب میں پربھنی کی معروف شخصیت ریثایرڈ سیشن جج ایڈووکیٹ عبدالحفیظ سمیت پربھنی کے سینیر وکلاء کی بہترین خدمات پرباراسوسی ایشن پربھنی کے صدر جناب منچک راو سولنکے کے ہاتھوں ان کا شال ہار پھول سے اعزاز و اکرام کیا گیا۔ اس موقع پر جناب عبدالحفیظ کی بحیثیت وکیل اور بعد میں بحیثیتڈسٹرکٹ سیشن جج بہترین خدمات اور عام لوگوں کو راحت پہنچانے والے ان کے اقدامات کو بھرپور سراہا گیا اور ان کو نیک خواہشات و دعاؤوں سے نوازا گیا۔ اس موقع پر سینیر وکلاء جی کے جیتھلیا۔ اے جی سونی۔ ایڈوکیٹ سارڈا ایڈوکیٹ بھونسلے ایڈوکیٹ پہونڈلکر و دیگر کی خدمات کو سراہتے ہوئے گلپوشی کی گئی ۔اس موقع پر زائد از تین سو وکلاء وجج صاحبان موجود تھے۔