جامعہ معراج البنات پوسد کی چھ طالبات کا عالمہ کورس مکمل

پُو سد:28؍ستمبر (اکرم چوہان)جامعہ معراج البنات پوسد کی چھ طالبات نے عالمہ کورس مکمل کیا ہے،اس مُبارک موقع پر تقریب بُخاری کے عنوان سے ایک مجلسِ کا انعقاد کیا گیا تھا،جس میں مشہور و معروف عالمِ دین حضرت مفتی شارق عبداللہ صاحب قاسمی رسوڑنے آخری حدیث پڑھائی۔جامعہ معراج البنات شہر پوسد کی بنات کی ایک فعال درسگاہ ہے جہاں سے حضرت مولانا سید یونس صاحب بخاری اشاعتی کی نگرانی میں ہر سال تشنگانِ علوم نبوت زیور علم سے آراستہ و پیراستہ ہوتے ہیں جامعہ سے ابھی تک لگ بھگ 90 طالبات نے شعبہ عالمیت سے فراغت حاصل کی ہے شعبہ حفظ سے فراغت کے ایک جماعت تیار ہونے ہی والی ہے مزید یہ مبارک سلسلہ جاری ہے ۔لہذا تمام ہی اہل اسلام سے درخواست ہے کہ اپنی بیٹیوں کو اس ادارے میں داخل فرمائے۔