پانگل اسکول کی معا ون نائب صدر مدرسہ ڈاکٹر ثریا پروین جاگیردار کو جیون گورو ایوارڈ سے نوازا گیا

سولاپور: 3؍ستمبر ( آفرین شیخ)بروز اتوار مورخہ 31 اگست 2025 کو یوم اساتذہ کے موقع پر احد فاؤنڈیشن پونے نے ایم اے پانگل اینگلو اردو ہائی اسکول اور جونیئر کالج آف آرٹس اینڈ سائنس سولاپور کی نائب صدر مدرسہ ڈاکٹر ثر یا پروین جاگیردار صاحبہ کو رکن راجیہ سبھا ڈاکٹر فوزیہ خان کے ہاتھوں سے لائف ٹائم اچیومنٹ ایوارڈ ڈاکٹر ثریا پروین جاگیردار صاحبہ کو تفویض کیا گیا۔ یہ ایوارڈ ایک بہت ہی شاندار میڈل، لکی ٹری، شال اور گلدستے پر مشتمل تھا۔ اس موقع پر ڈاکٹر ثریہ پروین جاگیردار صاحبہ کی پیش گراں قدر خدمات کو سراہا گیا اور سماجی کام کے شعبے میں بطور مصنفہ اور شاعرہ ہونے کے حیثیت سے ان کی تعریف کی گئی۔اس موقع پر ڈاکٹر فوزیہ خان کی شاندار تقریر کے ساتھ ساتھ احد فاؤنڈیشن کے صدر مظہر منیار، مہاراشٹر این سی پی کے یوتھ صدر محبوب شیخ، جے دیو گائیکواڑ، ہرشدا دیشمکھ-جادھو میڈم نے اپنے قیمتی خیالات کا اظہار کیا۔ اس پروگرام کے لیے اسٹیج پر بہت سے معززین اور ایک ہزار سے زائد اساتذہ اور بھائی بہن موجود تھے۔ پونے میں رہنے والے ان کے طلباء نے اس ایوارڈ پر بڑے جوش و خروش کے ساتھ خوشی کا اظہار کیا اور ان کی آئندہ زندگی کے لیے نیک خواہشات کا اظہار کیا۔ پروگرام کے آغاز میں محمد عارف خان کے سریلی گیتوں نے سب کی توجہ اپنی جانب مبذول کرلی۔ پروگرام کا آغاز تلاوت قرآن پاک سے ہوا۔ پروگرام کی نظامت اور شکریہ انجینئر عابد شہباز نے بڑے ہی خوبصورت انداز میں انجام دیا۔ ڈاکٹر ثریا جاگیردار کے اس اعزاز میں سکول کے پرنسپل ڈاکٹر ہارون رشید باغبان، تمام اساتذہ، غیر تدریسی عملہ اور متعدد کمیونٹی ممبران نے نیک خواہشات کا اظہار کیا۔