ناندیڑ ضلع کے تمام گاڑی مالکان سے پولیس کی اپیل

ناندیڑ :2؍جولائی ( نامہ نگار) ناندیڑ ضلع کے تمام شہریوں کو مطلع کیا جاتا ہے کہ حکومتِ ہند کے موٹر گاڑی قوانین کے مطابق تمام اہل گاڑیوں پر ہائی سیکیورٹی رجسٹریشن پلیٹ (HSRP) نصب کرنا لازمی قرار دیا گیا ہے۔جن گاڑی مالکان نے ابھی تک اپنی گاڑی پر HSRP نمبر پلیٹ نصب نہیں کروائی ہے، وہ فوری طور پر مجاز مرکز سے اسے نصب کروا لیں۔ حکومت کی جانب سے دی گئی مہلت ختم ہونے کے بعد یکم جولائی 2026ء سے ضلع بھر میں HSRP نمبر پلیٹ کے بغیر چلنے والی گاڑیوں کے خلاف خصوصی جانچ مہم شروع کی جا چکی ہے اور قواعد کے مطابق جرمانے کی کارروائی بھی عمل میں لائی جا رہی ہے۔HSRP نمبر پلیٹ کی بدولت گاڑیوں کی درست شناخت ممکن ہوتی ہے، گاڑیوں کی چوری کی روک تھام میں مدد ملتی ہے، نیز جعلی نمبر پلیٹوں کے ناجائز استعمال کو روکنے میں بھی معاون ثابت ہوتی ہے۔ لہٰذا تمام گاڑی مالکان اس معاملے کو سنجیدگی سے لیں۔ناندیڑ ضلع پولیس تمام شہریوں سے اپیل کرتی ہے کہ کسی بھی قسم کی جرمانے کی کارروائی سے بچنے کے لیے اپنی گاڑی پر فوری طور پر HSRP نمبر پلیٹ نصب کروائیں، ٹریفک قوانین کی پابندی کریں اور ایک محفوظ و ذمہ دار شہری ہونے کا ثبوت دیتے ہوئے انتظامیہ سے تعاون کریں۔