تلنگانہ میں بی آر ایس کو بڑا جھٹکا، چھ ایم ایل سی کانگریس میں شامل

حیدرآباد: 5 جولائی:تلنگانہ میں بھارت راشٹرا سمیتی (بی آر ایس) کو بڑا جھٹکا لگا ہے۔ بی آر ایس کے چھ ایم ایل سی جمعرات کی رات دیر گئے کانگریس میں شامل ہوئے۔ اس کے ساتھ ہی 40 رکنی تلنگانہ قانون ساز کونسل میں حکمراں کانگریس پارٹی کی طاقت دوگنی ہو کر 12 ہوگئی۔ چیف منسٹر اے۔ ڈانڈے وٹھل، بھانو پرساد، بی دیانند، پربھاکر راؤ، ایگ ملیشم اور بسواراجو سرایا نے جمعرات کو تقریباً 1 بجے کے قریب کانگریس پارٹی میں باقاعدہ شمولیت اختیار کی جب ریونت ریڈی دہلی سے واپس آئے۔ کانگریس پارٹی کے ذرائع نے بتایا کہ بی آر ایس کے چھ ایم ایل سی جنہوں نے پارٹی میں شمولیت اختیار کی ہے ان میں ڈنڈے وٹھل، بھانو پرساد راؤ، ایم ایس پربھاکر، بوگراپو دیانند، یگے ملیشم اور بسواراجو سرایا ہیں۔ اس موقع پر آل انڈیا کانگریس کمیٹی (اے آئی سی سی) کی انچارج دیپا داسمنشی، وزیر ریونیو پی سرینواس ریڈی، سابق وزیر سدرشن ریڈی اور دیگر قائدین بھی موجود تھے۔ بی آر ایس ایم ایل سی جمعرات کی رات ایک ہوٹل میں ملے اور بعد میں ریونت ریڈی کی رہائش گاہ پہنچے۔ ان کی شمولیت سے کونسل میں کانگریس پارٹی کی تعداد چھ سے بڑھ کر 12 ہو گئی ہے۔ بی آر ایس کو یہ دھچکا سینئر لیڈر اور راجیہ سبھا ممبر کے کیشو راؤ کے کانگریس پارٹی میں شامل ہونے کے ایک دن بعد آیا ہے۔ انہوں نے راجیہ سبھا کے رکن کے عہدے سے بھی استعفیٰ دے دیا ہے۔ بتا دیں کہ نومبر 2023 میں ہوئے اسمبلی انتخابات میں شکست کے بعد بی آر ایس کے چھ ایم ایل اے کانگریس میں شامل ہو گئے ہیں۔ کانگریس نے 119 رکنی اسمبلی میں 64 نشستیں حاصل کی تھیں۔ بی آر ایس سے انحراف اور سکندرآباد کنٹونمنٹ ضمنی انتخاب میں کامیابی کے بعد اس کی تعداد بڑھ کر 71 ہوگئی ہے۔ دوسری طرف بی آر ایس ایم ایل اے کی تعداد کم ہو کر 32 ہو گئی ہے۔