اصلاح معاشرہ این چیریٹیبل سوسائٹی پربھنی کی جانب سے8؍نومبر کو نویں رشتہ کیمپ کا اہتمام

پربھنی:7؍نومبر (محمد سرور شریف ضلع نامہ نگار) سماج کے متوسط و معاشی طور پر کمزور طبقات کو رشتوں کی تلاش میں آسانی فراہم کرنے اور غیر ضروری اخراجات سے بچانے کے لیے اصلاح معاشرہ این چیریٹیبل سوسائٹی پربھنی گزشتہ کئی برسوں سے تلاش رشتہ کیمپ کا انعقاد کر رہی ہے۔ بتاریخ 8؍ نومبر بروز اتوار اس سلسلے کے نویں کیمپ کا انعقاد درگاہ روڈ پر واقع مشاعرہ میدان (شاداب فنکشن ہال کے پیچھے) مدرسہ عائشہ للبنات میں صبح دس بجے کیا جا رہا ہے۔ اس کیمپ میں برائے نام رجسٹریشن فیس لی جاتی ہے۔ اس کیمپ سماج کے ہر شعبے کے لوگ جیسے اعلیٰ تعلیم یافتہ ڈگری ہولڈرز، کم تعلیم یافتہ، بیوہ، مطلقہ کے رشتوں کی تفصیلات فراہم کی جاتی ہیں۔ کمیٹی ہٰذا کے صدر جناب شیخ ظفر، سیکریٹری محمد ضیاء الدین، نائب صدر عبدالرزاق عبدالرحیم صاحب منیر سر کے ساتھ ساتھ موظف و برسرکار اساتذہ و معلمات کی بڑی تعداد خلوص دل سے مصروفِ عمل رہتی ہے۔ کمیٹی کی جانب سے شرکا کے لیے مفت طعام کا انتظام کیا جاتا ہے۔ کمیٹی کے ذمہ داران نے زیادہ سے زیادہ لوگوں سے استفادہ کی گزارش کی ہے۔