ہمدرد کلینک کے سالِ اول کی تکمیل پر مفت طبی کیمپ کا انعقاد

پوسد :یکم؍نومبر(راست) ہمدرد کلینک، کاناڈے لے آؤٹ، پوسد کے قیام کا ایک سال مکمل ہونے کے موقع پر جمعرات 29 اکتوبر کو مفت طبی جانچ و صحت بیداری کیمپ منعقد کیا گیا۔ صبح 11 بجے سے دوپہر 2 بجے تک جاری رہنے والے اس کیمپ میں مقامی شہریوں نے شرکت کی اور فراہم کردہ طبی سہولیات سے استفادہ کیا۔کیمپ میں ڈاکٹر مرزا اطیب بیگ (BAMS، MUHS؛ CCH، CSD، PGCEMS، ہمدرد کلینک)، اور ڈاکٹر سوپنِل میرسنگ راٹھوڑ (BDS)، گورنمنٹ ڈینٹل کالج و ہاسپٹل، ناگپور نے طبی خدمات انجام دیں۔اس موقع پر شرکاء کے بلڈ پریشر اور بلڈ شوگر کی مفت جانچ کی گئی، جبکہ ضرورت کے مطابق مفت ادویات بھی فراہم کی گئیں۔ مریضوں کو متوازن غذا، جسمانی سرگرمی، روزمرہ معمولات میں مثبت تبدیلی اور صحت مند طرزِ زندگی اختیار کرنے کے حوالے سے مشورے دیے گئے۔کیمپ کے دوران دانتوں کے امراض سے متعلق جانچ کا بھی انتظام کیا گیا۔ ڈاکٹر سوپنِل راٹھوڑ نے شرکاء کے دانتوں اور مسوڑھوں کا معائنہ کرتے ہوئے ضرورت کے مطابق مزید علاج اور دندان سازی سے متعلق رہنمائی فراہم کی۔منتظمین کے مطابق اس کیمپ کے انعقاد کا بنیادی مقصد کاروباری تشہیر کے بجائے سماجی خدمت کے جذبے کے تحت عام شہریوں تک بنیادی طبی سہولیات پہنچانا، بیماریوں کی بروقت تشخیص کے تئیں بیداری پیدا کرنا اور احتیاطی صحت کی اہمیت اجاگر کرنا تھا۔واضح رہے کہ ہمدرد کلینک کے بالمقابل واقع آر این فارما نے بھی اپنے قیام کا ایک سال مکمل کیا ہے۔کیمپ کے اختتام پر ڈاکٹر مرزا اطیب بیگ نے شرکاء اور تعاون کرنے والے افراد کا شکریہ ادا کیا۔ اس موقع پر مستقبل میں بھی سماجی و طبی خدمات کے ذریعے عوامی فلاح و بہبود کے لیے سرگرم رہنے کے عزم کا اظہار کیا گیا۔