ہڈیوں کے ڈھانچے بنے 50 فلسطینی قیدی اسرائیلی حراست سے رہا

غزہ:12؍جون: قابض اسرائیلی حکام نے منگل کے روز غزہ کی پٹی سیتعلق رکھنے والے متعدد فلسطینی قیدیوں کو شمالی غزہ کی پٹی میں ایک فوجی چوکی کے ذریعے رہا کیا اور وہ انتہائی تشویشناک حالت میں ایسے نکلے جیسے وہ ہڈیوں کے ڈھانچے ہوں۔میڈیا ذرائع نے اطلاع دی ہے کہ اسرائیلی قابض فوج نے شمالی غزہ کی پٹی میں بیت لاہیا کے مغرب میں واقع "زیکیم” چوکی کے ذریعے 50 قیدیوں کو ان کی جیلوں سے رہا کیا۔انہوں نے مزید کہا کہ رہا ہونے والے افراد شمالی غزہ کے کمال عدوان ہسپتال پہنچے جہاں ان کا طبی معائنہ کیا گیا جس سے معلوم ہوا کہ انہیں قابض ریاست کی جیلوں میں حراست کے دوران ہولناک تشدد کا نشانہ بنایا گیا تھا۔رہائی پانے والے قیدیوں میں سے ایک نے کہا کہ جیلوں میں قیدیوں کے حالات ناقابل بیان ہیں۔ ان کے ظلم اور مشکلات کا ذکر کرتے ہوئے انہوں نے وضاحت کی کہ انہوں نے اپنی حراست کے پورے عرصے میں سورج کی روشنی نہیں دیکھی۔ انہیں مسلسل تشدد کا نشانہ بنایا گیا۔انہوں نے غزہ کی پٹی کے شمال میں واقع جبالیہ سے تعلق رکھنے والے ایک قیدی کی شہادت کے بارے میں بات کی۔ اسے بدترین تشدد کرکے شہید کیا گیا۔ انہوں نے مزید کہا کہ "انہوں نے اس کے سر میں شدید ضربیں لگائیں۔ اس کی شہادت سے پہلے اس نے مجھے پیغام پہنچانے کو کہا کہ وہ بے قصور ہے مگر اس کی شہادت کی خبر اس کے گھر تک پہنچانا۔ہسپتال میں صحافیوں کی طرف سے لی گئی تصاویر میں قیدیوں کے جسموں پر تشدد اور ناروا سلوک کے اثرات ایسے وقت میں نظر آ رہے ہیں جب طبی ذرائع نے تصدیق کی ہے کہ ان میں سے کچھ کے ہاتھ بندھے ہونے کی وجہ سے ان میں سے کچھ کے زخم خراب ہوچکے ہیں۔ان کی نفسیاتی حالت بھی ناگفتہ بہ ہے۔قابض افواج نے پٹی میں جاری زمینی جنگ کے دوران غزہ کی پٹی سے ہزاروں شہریوں کو گرفتار کیا اورحراست کی توہین آمیز تصاویر پوری دنیا میں پھیل گئیں۔ حراست میں لیے گئے افراد سے ان کے زیر جامے کے علاوہ ان کے کپڑے اتار لیے گئے۔ انہیں سرعام لائنوں میں توہین آمیز انداز میں لے جایا گیا۔قابض فوج غزہ کے قیدیوں پر سخت پابندیاں عائد کرتی ہے۔ ان کے خلاف جبری گمشدگی کے جرم کا ارتکاب کرتی ہے۔ ان کے اہل خانہ کو ان کے رشتہ داروں کے بارے میں کوئی معلومات نہیں ہیں۔