مسلم باصلاحیت طلبہ کی حوصلہ افزائی تقریب جوش و خروش سے منعقد

داروہ:19؍اگست ( بشر قریشی)مسلم ویلفیئر ایسوسی ایشن داروہ کی جانب سے باصلاحیت طلبہ کی حوصلہ افزائی اور تہنیتی تقریب جوش و خروش اور نہایت پُروقار ماحول میں منعقد ہوئی۔ تقریب کا کامیاب انعقاد مسلم ویلفیئر ایسوسی ایشن کے ضلع صدر (یوتھ) جناب جرّار قریشی کی نگرانی و منصوبہ بندی میں عمل میں آیا۔تقریب میں مسلم ویلفیئر ایسوسی ایشن کے قومی صدر جناب سلیم سارنگ صاحب بطورِ مہمانِ خصوصی شریک ہوئے۔ ان کے دستِ مبارک سے نمایاں کامیابی حاصل کرنے والے طلبہ کی گلپوشی اور شال پوشی کے ذریعے حوصلہ افزائی کی گئی۔ اس موقع پر طلبہ کو مستقبل کی تعلیمی زندگی کے لیے نیک خواہشات پیش کرتے ہوئے تعلیم کے ذریعے اپنے خاندان، معاشرے اور ملک کا نام روشن کرنے کی تلقین کی گئی۔اس موقع پر حاجی سید فاروق صاحب، گروپ لیڈر میونسپل کونسل داروہ، ڈاکٹر امیر قاضی صاحب، ڈائریکٹر مولانا آزاد اقلیتی اقتصادی ترقی کارپوریشن، افتخار قریشی صاحب، آل انڈیا جمعیت القریش تعلقہ صدر، حاجی سلیم سولنکی صاحب، ریاستی نائب صدر (اقلیتی شعبہ) نیشنلسٹ کانگریس، ایڈووکیٹ جابیر خان صاحب، سید جلیل صاحب، محمد الیاس سر، صدر ملت ایجوکیشن سوسائٹی داروہ، نومان نبیل سر، زاہد خان صاحب، ناصر شیخ صاحب، شہر صدر نیشنلسٹ کانگریس پارٹی داروہ، اعجاز خان صاحب، حاجی جنید خان صاحب، صدر حضرت مستان شاہ بابا رحمۃ اللہ علیہ درگاہ ٹرسٹ داروہ، مسعود خان صاحب، میونسپل کونسلر داروہ، میونسپل کونسلر شگفتہ شیخ، مسلم ویلفیئر ایسوسی ایشن کی مہاراشٹر نائب صدر عائشہ خان اور مہاراشٹر جنرل سیکریٹری شگفتہ غجاریہ سمیت مسلم ویلفیئر ایسوسی ایشن کے عہدیداران و کارکنان بڑی تعداد میں موجود تھے۔تقریب میں طلبہ کے والدین اور طلبہ نے بھی کثیر تعداد میں شرکت کی۔ باصلاحیت طلبہ کی پذیرائی اور ان کی محنت کو سراہنے کے اس اقدام کو معاشرے کے دیگر طلبہ کے لیے بھی ایک حوصلہ افزا اور قابلِ تقلید مثال قرار دیا گیا۔اس موقع پر مقررین نے کہا کہ "تعلیم ہی معاشرے کی ترقی کی حقیقی طاقت ہے۔ باصلاحیت طلبہ کی حوصلہ افزائی کرنا اور ان کے تعلیمی سفر میں ان کا ساتھ دینا ہم سب کی اجتماعی ذمہ داری ہے۔”تقریب کی کامیابی پر مسلم ویلفیئر ایسوسی ایشن کے تمام عہدیداران و کارکنان، معزز مہمانان، طلبہ اور والدین کا شکریہ ادا کیا گیا۔