مہاراشٹر میں خصوصی نظرثانی کے بعد حتمی ووٹر فہرست 4؍نومبر کو جاری ہوگی

ممبئی: 19 اگست: بھارت کے الیکشن کمیشن نے مہاراشٹر کی اسمبلی حلقہ وار ووٹر فہرستوں کی خصوصی گہری نظرثانی کا نظرثانی شدہ پروگرام جاری کیا ہے۔ 1 اکتوبر 2026 کو اہلیت کی تاریخ مقرر کرتے ہوئے انجام دی جانے والی اس کارروائی کے تحت پولنگ اسٹیشنوں کی تنظیم نو اور ابتدائی ووٹر فہرستیں تیار کرنے سے متعلق تکنیکی عمل کو مکمل کرنے کے مقصد سے شیڈول میں ترمیم کی گئی ہے۔نظرثانی شدہ شیڈول کے مطابق پولنگ اسٹیشنوں کی تنظیم و تشکیل نو کا عمل 24 اگست 2026 تک مکمل کیا جائے گا۔ اس کے بعد 31 اگست 2026 کو ابتدائی ووٹر فہرست جاری کی جائے گی۔ابتدائی ووٹر فہرست کے حوالے سے 31 اگست سے 30 ستمبر 2026 تک دعوے اور اعتراضات داخل کیے جا سکیں گے۔ اسی طرح 31 اگست سے 29 اکتوبر 2026 تک موصول ہونے والے دعووں اور اعتراضات کے سلسلے میں نوٹس جاری کرنے کے ساتھ ان کا تصفیہ کیا جائے گا۔اس مکمل کارروائی کے بعد مہاراشٹر کی حتمی ووٹر فہرست 4 نومبر 2026 کو جاری کی جائے گی۔ بھارت کے الیکشن کمیشن نے یہ اطلاع دی ہے۔