حجاج کرام کے اعزاز میں استقبالیہ نشست 28 جون کو مؤمن پورہ مسجد میں منعقد ہوگی

ملکاپور: 26 /جون ( محمد احسان سر ) ملکاپور شہر اور اطراف کے علاقوں سے تعلق رکھنے والے حجاج کرام فریضۂ حج کی سعادت حاصل کرکے بحفاظت وطن واپس پہنچ چکے ہیں. اس خوشی کے موقع پر خدمت الحجاج کمیٹی، ملکاپور کی جانب سے تمام حجاج کرام کے اعزاز میں ایک خصوصی استقبالیہ و تعارفی نشست کا انعقاد کیا جا رہا ہے. یہ نشست اتوار، 28 جون کو صبح 10 بجے مؤمن پورہ مسجد، ملکاپور میں منعقد ہوگی، جس میں حال ہی میں حج سے واپس آنے والے حجاج کرام اپنے روحانی تجربات، تاثرات اور سفرِ حج کی یادگار باتیں حاضرین کے ساتھ شیئر کریں گے. اس موقع پر حضرت مفتی ابوذر صاحب، کنوینر آل انڈیا مسلم پرسنل لا بورڈ خصوصی خطاب فرمائیں گے۔ وہ حج کی روحانی اہمیت، اس کے انفرادی و اجتماعی اثرات اور اسلامی تعلیمات کی روشنی میں حاضرین کی رہنمائی کریں گے. خدمت الحجاج کمیٹی، ملکاپور نے تمام واپس آنے والے حجاج کرام سے اس نشست میں شرکت کی اپیل کی ہے تاکہ وہ اپنے قیمتی تجربات سے دیگر افراد کو مستفید کریں. کمیٹی کے مطابق یہ نشست صرف مرد حضرات کے لیے مخصوص ہوگی. کمیٹی نے شہر اور اطراف کے تمام مرد حضرات سے بھی اس بابرکت پروگرام میں شرکت کی درخواست کی ہے.