معذور افراد کے لیے مفت کمپیوٹر اور ووکیشنل ٹریننگ

ناندیڑ: 25 جون(نمائندہ اعتبار) کمشنریٹ فار ویلفیئر آف پرسنس وِد ڈس ایبلٹیز، پونے (Commissionerate for Welfare of Persons with Disabilities, Pune) اور ضلع پریشد سانگلی کے تحت قائم ’’گورنمنٹ ایڈلٹ ڈویانگ ٹریننگ سینٹر اینڈ ہاسٹل‘‘ مغربی مہاراشٹر کا واحد سرکاری ادارہ ہے، جہاں بالغ معذور افراد کو مفت ٹریننگ فراہم کی جاتی ہے۔ اس ادارے کے تمام ٹریننگ کورسز کو مہاراشٹر اسٹیٹ بورڈ آف اسکل، ووکیشنل ایجوکیشن اینڈ ٹریننگ، ممبئی کی سرکاری منظوری حاصل ہے۔ ادارے کو آل انڈیا سطح پر ’’فکی ایوارڈ 1999‘‘ (FICCI Award 1999) سے بھی نوازا جا چکا ہے۔تعلیمی سال 2026-27 کے لیے مفت داخلوں کا آغاز ہو چکا ہے۔ نشستیں محدود ہونے کے باعث خواہش مند امیدوار جلد از جلد رابطہ کریں۔
داخلے کے ضوابط، شرائط اور سہولیات:
’’سرٹیفکیٹ اِن کمپیوٹر آپریشن وِد ایم ایس آفس‘‘ (Certificate in Computer Operation with MS Office) کورس کے لیے کم از کم آٹھویں جماعت کامیاب ہونا ضروری ہے۔
اسی طرح ’’موٹر اینڈ آرمیچر وائنڈنگ‘‘ (Motor and Armature Winding) اور ’’سبمرسیبل پمپ سنگل فیز‘‘ (Submersible Pump Single Phase) الیکٹریکل کورس کے لیے کم از کم نویں جماعت کامیاب ہونا لازمی ہے۔
عمر کی حد 16 سے 40 سال مقرر کی گئی ہے جبکہ ٹریننگ کی مدت ایک سال ہوگی۔ داخلہ صرف معذور طلبہ کو دیا جائے گا۔
فراہم کی جانے والی سہولیات:
ٹریننگ کے دوران رہائش، طعام اور تربیت مکمل طور پر مفت ہوگی۔
جدید اور مکمل کمپیوٹر ورکشاپ، بھرپور پریکٹیکلز، روزگار پر مبنی مفت ووکیشنل ٹریننگ، نیٹ ورکنگ اور انٹرنیٹ کی سہولت، نیز تجربہ کار اور ماہر انسٹرکٹرز کی رہنمائی فراہم کی جائے گی۔
ادارہ شاندار نتائج کی روایت کا حامل ہے۔ محکمہ سماجی بہبود کی جانب سے خود روزگار کے لیے ’’سیڈ کیپیٹل اسکیم‘‘ (Seed Capital Scheme) سے بھی فائدہ اٹھایا جا سکتا ہے۔
درخواست کہاں اور کیسے دیں؟:
داخلہ فارم اور معلوماتی کتابچہ سپرنٹنڈنٹ، گورنمنٹ ایڈلٹ ڈویانگ ٹریننگ سینٹر اینڈ ہاسٹل، ٹاکلی روڈ، مہترے ملا، گودڑ ملا کے قریب، میرج، تعلقہ میرج، ضلع سانگلی، پن کوڈ 416410 سے بذریعہ ڈاک یا ذاتی طور پر مفت حاصل کیے جا سکتے ہیں۔
فون: 0233-2222908
موبائل: 9922577561، 9325555981
داخلے کے لیے کسی بھی قسم کی فیس وصول نہیں کی جائے گی۔ امیدوار داخلہ فارم مکمل طور پر پُر کرکے اپنی تصویر کے ساتھ ادارے کو ارسال کریں یا ذاتی طور پر جمع کرائیں۔
درخواست کے ساتھ اسکول چھوڑنے کا سرٹیفکیٹ، ایس ایس سی (SSC) مارک شیٹ اور سرٹیفکیٹ، معذوری سے متعلق مجاز آفیسر کا سرٹیفکیٹ، آدھار کارڈ، یو ڈی آئی ڈی (UDID) کارڈ، ڈومیسائل سرٹیفکیٹ اور آمدنی کے سرٹیفکیٹ کی فوٹو کاپیاں منسلک کرنا ضروری ہوگا۔
درخواستیں موصول ہونے کے بعد ماہرین کی کمیٹی انٹرویو کے ذریعے امیدواروں کا انتخاب کرے گی۔
نشستیں محدود ہونے کے باعث ضرورت مند معذور افراد سے اپیل کی گئی ہے کہ وہ اس سنہری موقع سے فائدہ اٹھانے کے لیے فوری رابطہ کریں۔ دیہی اور شہری علاقوں کے عوام سے بھی درخواست کی گئی ہے کہ وہ اپنے علم میں موجود ضرورت مند معذور افراد تک اس سرکاری اسکیم کی معلومات پہنچائیں تاکہ زیادہ سے زیادہ افراد اس سہولت سے مستفید ہو سکیں۔ یہ اپیل سپرنٹنڈنٹ، گورنمنٹ ایڈلٹ ڈویانگ ٹریننگ سینٹر اینڈ ہاسٹل، میرج، ضلع سانگلی نے کی ہے۔