ضلع نگران وزیر سنجے راٹھوڑ کی شاہ رخ خان کے گھر تعزیتی حاضری

ایوت مال:24؍مئی ( بشر قریشی) ضلع یوت مال کے نگران وزیر سنجے راٹھوڑ نے معروف سماجی شخصیت شاہ رخ بھائی خان کے گھر پہنچ کر ان کے والد محترم کے انتقال پر گہرے رنج و غم کا اظہار کیا اور اہلِ خانہ کو تعزیت پیش کی۔ واضح رہے کہ چند روز قبل شاہ رخ بھائی کے والد صاحب کا انتقال ہوگیا تھا، جس کے بعد علاقے میں غم کی فضا قائم ہے۔تعزیتی ملاقات کے دوران سنجے راٹھوڑ نے اہلِ خانہ کو صبر و حوصلہ رکھنے کی تلقین کی۔ انہوں نے کہا کہ والدین کا سایہ انسان کے لیے ایک عظیم نعمت ہوتا ہے اور ان کا بچھڑ جانا ناقابلِ تلافی نقصان ہے۔ اس دکھ کی گھڑی میں وہ پوری طرح متاثرہ خاندان کے ساتھ کھڑے ہیں۔اس موقع پر شاہ رخ بھائی خان نے آنے والے تمام معزز مہمانوں کا شکریہ ادا کرتے ہوئے کہا کہ مشکل وقت میں لوگوں کی ہمدردی اور محبت خاندان کے لیے حوصلہ افزا ثابت ہو رہی ہے۔تعزیتی ملاقات کے دوران حسین خان، ڈاکٹر اثر راویش، الطاف بھائی، افتخار قریشی، ضرار قریشی سمیت علاقے کی کئی معزز شخصیات اور عوام کی بڑی تعداد موجود تھی۔ تمام حاضرین نے مرحوم کے لیے دعائے مغفرت اور پسماندگان کے لیے صبرِ جمیل کی دعا کی۔علاقے کے عوامی و سماجی حلقوں کی جانب سے بھی مرحوم کے انتقال پر افسوس کا اظہار کیا جا رہا ہے، جبکہ مختلف افراد مسلسل شاہ رخ بھائی خان کے گھر پہنچ کر تعزیت پیش کر رہے ہیں۔