گورنمنٹ ڈگری کالج برائے اناث کے تحت بنیادی سہولیات کو بہتر بنانے خصوصی مہم

حیدرآباد۔10/مارچ (راست)حکومتِ تلنگانہ کے محکمہ اعلیٰ تعلیم کی ہدایات کے مطابق”پرجا پالنا پرگتی پرانالیکا“ کے حصے کے طور پر گولکنڈہ میں واقع گورنمنٹ ویمنز ڈگری کالج میں مہم کے چوتھے دن کالج کی بنیادی سہولیات کو بہتر بنانے پر خصوصی توجہ دی گئی۔ اس دوران درج ذیل کام انجام دیے گئے: لائبریری کی ترتیب: لائبریری میں موجود کتابوں کو شعبہ جات کے لحاظ سے منظم طریقے سے ترتیب دیا گیا۔ لائبریری عملے نے پرانی کتابوں کا معائنہ کیا اور تمام ریکارڈز کی تصدیق کا کام مکمل کیا۔ سائن بورڈز کی تجدید: کالج کے مین گیٹ پر ’انسٹی ٹیوشنل نیم بورڈ‘ (Institutional Name Board) اور مختلف شعبوں کے سائن بورڈز کی مرمت کی گئی تاکہ وہ واضح طور پر نظر آسکیں۔ سائنس لیبارٹریز: سائنس کے شعبوں میں لیبارٹری کے آلات کی کارکردگی کی جانچ کی گئی اور انہیں تجربات کے لیے تیار کیا گیا۔ کلاس رومس اور کمپیوٹر لیب: ایڈمنسٹریٹو عملے نے کلاس رومز میں ڈیسک، بینچوں اور کمپیوٹر لیب کے سسٹمز کو ترتیب وار رکھا اور ان کی موجودہ حالت کی تصدیق کی۔اس پروگرام میں کالج پرنسپل کی نگرانی میں مختلف شعبوں کے صدور (HoDs)، لائبریرین اور دیگر انتظامی عملے نے بڑھ چڑھ کر حصہ لیا۔ اس موقع پر پرنسپل نے خطاب کرتے ہوئے کہا کہ اس مہم کا اصل مقصد کالج کی ترقی اور طالبات کو بہتر سے بہتر سہولیات فراہم کرنا ہے۔