ڈاکٹر باباصاحب امبیڈکر کے مجسمہ سے مہاویر چوک تک راستے پر10 تا 16 اگست تک امتناعی احکامات نافذ

ناندیڑ:9 اگست: (شیخ عمران) یومِ آزادی کے موقع پر جمعہ، 15 اگست کو ہونے والی سرکاری پرچم کشائی کی تقریب پُرامن طریقے سے انجام پانے کے پیش نظر اور اس دوران کسی بھی ناگوار واقعہ سے بچنے کے مقصد سے، ڈاکٹر باباصاحب امبیڈکر کے مجسمہ چھترپتی شیواجی مہاراج کے مجسمہ – ضلع کلکٹر آفس – مہاتما گاندھی کے مجسمہ سے لے کر مہاویر چوک تک کے راستے پر 10 اگست کی رات 12 بجے سے 16 اگست 2025 کی رات 12 بجے تک دھرنا، بھوک ہڑتال، خودسوزی، مارچ، ریلی، ستیہ گرہ وغیرہ احتجاجی سرگرمیوں پر پابندی عائد کی گئی ہے۔اس راستے پر امن و قانون کی صورتحال برقرار رکھنے کے لیے، بھارتی شہری سلامتی ضابطہ 2023 کی دفعہ 163 کے تحت پولیس سپرنٹنڈنٹ ابیناش کمار نے مذکورہ مدت کے دوران احتجاجی سرگرمیوں پر پابندی عائد کرنے کا حکم دیا ہے۔ متعلقہ افراد کو نوٹس دے کر ان کا مؤقف سننے کے لیے مناسب وقت نہ ہونے کی وجہ سے، ہنگامی صورتحال کے پیش نظر بھارتی شہری سلامتی ضابطہ 2023 کی دفعہ 163(2) کے تحت حکم جاری کیا گیا ہے۔