قومی بچوں کی صحت پروگرام کے تحت دل کی سرجری کے لیے 18 بچوں کو ممبئی روانہ کیا گیا

ناندیڑ:4 اگست(نمائندہ اعتبار) سری گرو گووند سنگھ جی میموریل ضلع اسپتال سے ضلع مجسٹریٹ راہل کرڈیلے اور چیف ایگزیکٹو آفیسر میگھنا کاولی کی رہنمائی میں دل کے عارضے میں مبتلا بچوں کی 2D ایکو ٹیسٹنگ کیمپ 16 جولائی کو منعقد کیا گیا تھا۔ اس کیمپ کے ذریعے دل کی سرجری کے لیے اہل 18 بچوں کو قومی بچوں کی صحت پروگرام کے تحت آج ممبئی روانہ کیا گیا۔ضلع سرجن ڈاکٹر سنجے پیرکے، ضلعہیلت آفیسر ڈاکٹر سنگھیتا دیشمکھ، ایڈیشنل ضلع سرجن ڈاکٹر پانڈورنگ پاوڈے، ریسیڈنٹ میڈیکل آفیسر ڈاکٹر راجابھاؤ بٹے کی قیادت میں ان بچوں کی جانچ کی گئی تھی۔ اس پروگرام کے تحت گزشتہ سال سے اب تک 125 بچوں کی دل کی سرجری کامیابی سے کی جا چکی ہے، جبکہ دیگر بیماریوں کی 634 سرجریاں بھی کی گئی ہیں۔ اس کے علاوہ 76 بچوں کو سماعت کے آلات فراہم کیے گئے ہیں، جس سے ان کی بہرے پن کی بیماری دور ہوئی ہے۔ اس پروگرام کے تحت اسکولوں اور آنگن واڑیوں میں بچوں کی صحت کی جانچ کی گئی، اور ان کے امراض سے نجات دلانے کے لیے بروقت علاج اور ضرورت کے مطابق سرجری کی جا رہی ہے، جس سے والدین اور اساتذہ کی طرف سے اطمینان کا اظہار کیا جا رہا ہے۔اس کام میں انیل کامبلے (آر بی ایس کے ضلع پروگرام کوآرڈینیٹر)، وٹھل تاوڑے (ڈی ای آئی سی مینیجر)، محترمہ انیتا چوہان، گنانند ساونت اور قومی بچوں کی صحت پروگرام سے وابستہ میڈیکل افسران، عملہ، اور ڈی ای آئی سی کے میڈیکل افسران و عملے نے محنت کی۔