نقب زنی کے معاملے میں تین ملزمان سے 4 لاکھ 14 ہزار 600 روپئے مالیت کی نقد رقم اور سونے چاندی کے زیورات ضبط

ناندیڑ: 10؍جولائی ( نمائندہ اعتبار) ضلع پولیس سپرنٹنڈنٹ نیلابھ روہن کی رہنمائی میں بھاگیہ نگر پولیس اسٹیشن کی کرائم ڈیٹیکشن ٹیم نے خفیہ اور تکنیکی معلومات کی بنیاد پر نقب زنی کے ایک معاملے کا پردہ فاش کرتے ہوئے ملزمان سے مجموعی طور پر 4 لاکھ 14 ہزار 600 روپئے مالیت کا مسروقہ مال ضبط کیا۔ضبط کیے گئے مال میں 2 لاکھ 10 ہزار روپئے نقد، 4 گرام وزنی سونے کے زیورات جن کی تخمینی قیمت 51 ہزار 500 روپئے ہے، 21 گرام وزنی چاندی کے زیورات جن کی تخمینی قیمت 3 ہزار 100 روپئے ہے اور جرم میں استعمال کی گئی ڈیڑھ لاکھ روپئے مالیت کی موٹر سائیکل شامل ہے۔کرائم ڈیٹیکشن ٹیم کے پولیس سب انسپکٹر ونود دیشمکھ اور ان کی ٹیم کے افسران و اہلکار گشت کررہے تھے کہ ایک خفیہ مخبر کے ذریعے اطلاع موصول ہوئی کہ شری شاہو مہاراج کے مجسمے کے اطراف چند مشتبہ افراد گھوم رہے ہیں۔اطلاع کی بنیاد پر پولیس نے فوری کارروائی کرتے ہوئے تین مشتبہ افراد کو حراست میں لیا۔ تلاشی کے دوران ان کے قبضے سے سونے اور چاندی کے زیورات کے علاوہ نقد رقم بھی برآمد ہوئی۔ مذکورہ مال کے متعلق وہ کوئی اطمینان بخش جواب نہیں دے سکے۔اس کے بعد بھاگیہ نگر پولیس اسٹیشن میں ان کے خلاف پولیس این سی نمبر 507/2026، مہاراشٹر پولیس ایکٹ کی دفعہ 124 کے تحت کارروائی کی گئی۔ملزمان کو اعتماد میں لے کر سختی سے پوچھ گچھ کی گئی تو انہوں نے شیواجی نگر پولیس اسٹیشن کی حدود میں واقع نارائن نگر میں چوری کرنے کا اعتراف کیا۔ اس کے بعد متعلقہ مقام کی سی سی ٹی وی فوٹیج کی جانچ کی گئی اور شیواجی نگر پولیس اسٹیشن کے ریکارڈ کا جائزہ لیا گیا۔جانچ کے دوران معلوم ہوا کہ شیواجی نگر پولیس اسٹیشن میں نقب زنی کا مقدمہ نمبر 291/2026، بھارتیہ نیائے سنہتا کی دفعات 331(1)، 331(2)، 331(3)، 331(4) اور 305(اے) کے تحت درج ہے۔ پوچھ گچھ کے دوران ملزمان نے مذکورہ جرم کا ارتکاب کرنے کا اعتراف بھی کیا۔
اس معاملے میں درج ذیل تین ملزمان کو حراست میں لیا گیا:
1۔ وشال سنیل کرہالے، عمر 25 سال، ساکن نارائن نگر، ناندیڑ
2۔ سگندھ سنجے پائیک راؤ، عمر 22 سال، ساکن تہرا نگر، ناندیڑ
3۔ مگد مکند راؤ واگھمارے، عمر 25 سال، ساکن وامن دادا کرڈک نگر، ناندیڑ
مذکورہ ملزمان کے قبضے سے نقد رقم، سونے اور چاندی کے زیورات اور جرم میں استعمال کی گئی موٹر سائیکل سمیت مجموعی طور پر 4 لاکھ 14 ہزار 600 روپئے مالیت کا مال ضبط کیا گیا۔ ملزمان کو مزید قانونی کارروائی کے لیے شیواجی نگر پولیس اسٹیشن کے حوالے کیا جارہا ہے۔یہ کامیاب کارروائی ضلع پولیس سپرنٹنڈنٹ نیلابھ روہن، ایڈیشنل پولیس سپرنٹنڈنٹ سورج گرو اور ناندیڑ شہر کے ڈپٹی پولیس سپرنٹنڈنٹ رامیشور ویجنے کی رہنمائی میں انجام دی گئی۔کارروائی میں پولیس انسپکٹر سنتوش تامبے، پولیس انسپکٹر کرائم مہیش مالی، کرائم ڈیٹیکشن ٹیم کے پولیس سب انسپکٹر ونود دیشمکھ، پولیس سب انسپکٹر نریش واڈیوالے، پولیس ہیڈ کانسٹیبل وشال مالوے، پولیس کانسٹیبل وشنوکانت منڈے، سدھاکر ملدوڑے، راجیو گھولے، ناگ ناتھ چاپکے، راہل لاٹکر، عدنان پٹھان اور انکش کامبلے نے حصہ لیا۔