ناندیڑ:چالیس روزہ اسلامی سمر کیمپ ۔ تربیتِ نو کا سفر

ناندیڑ:12؍مئی ( راست) موسم گرما کی چھٹیاں بچوں کے لیے صرف کھیلنے اور وقت گزارنے کا نام نہیں، بلکہ یہ اپنی شخصیت سازی اور فکری آبیاری کا بہترین موقع ہیں۔ اس سال منعقد ہونے والا چالیس روزہ اسلامی سمر کیمپ محض ایک روایتی کورس یا سرٹیفکیٹ حاصل کرنے کی سرگرمی نہیں ہے، بلکہ اس کا بنیادی مقصد اسکول کے طلباء کو ان کی اصل شناخت سے روشناس کرانا ہے۔اس کیمپ کا اولین مقصد نوجوان ذہنوں میں یہ بات راسخ کرنا ہے کہ اسلام ایک مکمل ضابطہ حیات ہے، جو فطرت کے عین مطابق ہے۔ اسلام انسانی حقوق کا سب سے بڑا علمبردار ہے، جس میں کسی کے ساتھ کوئی ناانصافی نہیں، بلکہ ہر انسان کو اس کا جائز حق دیا گیا ہے۔اس سمر کیمپ کے ذریعے طلباء کو یہ سکھایا جائے گا کہ وہ اپنی فطری صلاحیتوں کو پہچانیں، اخلاقیات کو اپنائیں اور ایک بہترین مسلمان بنیں۔ مقصد یہ ہے کہ طلباء اسلام کے حقیقی سپاہی ہونے اور مسلمان ہونے پر فخر محسوس کریں اور اپنی عملی زندگی میں اسلام کی روشن تعلیمات کی عکاسی کریں۔یہ چالیس دن بچوں کے لیے ایمان کی تازگی، علم کی روشنی اور تربیتِ نفس کا ایک یادگار سفر ہوں گے، جس سے انہیں رب کی رضا عطا ہوگی ، ان شاء اللہ ۔