ثناء وقار یوتھ رائٹر کی کاؤنسلنگ سائیکالوجسٹ کے امتحان میں شاندار کامیابی

اورنگ آباد:یکم؍جولائی (راست) ثناء وقار، ساکن نواب پورہ، نے ایم جی ایم یونیورسٹی، اورنگ آباد، مہاراشٹر کے انسٹی ٹیوٹ آف سوشل سائنس کے شعبۂ نفسیات سے پوسٹ گریجویٹ اِن گائیڈنس اینڈ کاؤنسلنگ سائیکالوجی میں درجۂ اول سے امتیازی کامیابی حاصل کی۔ اس کامیابی کے ساتھ سرٹیفائیڈ سائیکالوجسٹ بن چکی ثناء وقار، احمد صاحب (گورنمنٹ کیروسن ڈیلر، اسٹار اسٹینلیس اسٹیل مینوفیکچرر) اور صفیہ وقار صاحبہ کی دختر ہیں۔انہوں نے ابتدائی تعلیم علامہ شبلی اردو ہائی اسکول، نواب پورہ سے حاصل کی، جبکہ اعلیٰ تعلیم B.Ed، پوسٹ گریجویٹ اِن سائیکالوجی، پوسٹ گریجویٹ اِن انگلش اور اردو، رفیق زکریا کیمپس، مولانا آزاد کالج سے مکمل کی۔ثناء وقار کی اس فقید المثال کامیابی پر والدۂ محترمہ، بھائی بہن، اساتذہ، چانسلر شری انکوش راؤ کدم صاحب (ایم جی ایم یونیورسٹی)، رشتے دار اور دیگر محبین نے مبارکباد پیش کی، ستائش اور حوصلہ افزائی کی، اور نیک تمناؤں کے ساتھ دعا گو رہے۔