اندرا گاندھی گرلس اُردو جونیئر کالج آف آرٹس اینڈ سائنس کے شاندار نتائج

پربھنی: 2؍مئی (ضلع نامہ نگار اعتبار نیوز محمد سرور شریف)2؍مئی بروز ہفتہ کو مہاراشٹر اسٹیٹ بورڈ آف ہائر سیکنڈری کے نتائج ظاہر ہوئے، جس میں اندرا گاندھی گرلس اُردو جونیئر کالج آف آرٹس اینڈ سائنس کا مجموعی رزلٹ 88.37 فیصد رہا۔ آرٹس فیکلٹی کا نتیجہ 70.58 فیصد رہا اور سائنس فیکلٹی کا نتیجہ 100 فیصد رہا۔
اس شاندار کامیابی پر کارگزار صدرِ سوسائٹی الحاج محترم شیخ رفیق احمد صاحب، سیکریٹری محترمہ نجم النساء پروین صاحبہ، مدرسہ ہٰذا کی پرنسپل محترمہ مہر یقین صاحبہ، نائب صدر معلمہ محترمہ رمشیہ ممتاز صاحبہ، سپروائزر محترمہ رعنا جبین صاحبہ، انچارج معلمات محترمہ ہاشمی ثمینہ شاہین، محترمہ سیدہ صنوبر سلطانہ اور تمام اساتذۂ اکرام نے دل کی عمیق گہرائیوں سے طالبات اور سرپرستوں کو مبارکباد پیش کی اور طالبات کے روشن مستقبل کے لیے نیک خواہشات کا اظہار کیا۔