سیلوتحصیل دفتر کی بجلی منقطع؛ سرکاری کام کاج ٹھپ، عوام کو شدید پریشانی

سیلو :27؍اکتوبر(ابرار بیگ)سیلو شہر میں آج بروز منگل 27 اکتوبر صبح 10 بجے سے بجلی کی فراہمی معطل رہنے کی وجہ سے سیلو تحصیل دفتر کا سرکاری کام کاج مکمل طور پر ٹھپ ہو گیا۔ بجلی نہ ہونے کی وجہ سے اسناد اور ضروری دستاویزات کے لیے آنے والے شہریوں کو گھنٹوں انتظار کرنا پڑا۔تحصیل آفس میں راشن کارڈ، رہائشی سند، آمدنی کا سرٹیفکیٹ جیسی اہم دستاویزات اور دیگر سرکاری کاموں کے لیے بڑی تعداد میں شہری آتے ہیں۔ تاہم، بجلی نہ ہونے کی وجہ سے کمپیوٹر اور دیگر مشینری بند پڑی رہی، جس کے نتیجے میں تمام امور معطل ہو گئے۔ بار بار کوششوں کے باوجود بجلی بحال نہ ہونے پر شہریوں کی طرف سے شدید برہمی کا اظہار کیا جا رہا ہے۔شہریوں اور پریشان حال مستحقین کا مطالبہ ہے کہ محکومے بجلی کے اعلیٰ افسران اس غفلت کا فوری نوٹس لیں، موقع پر جا کر صورتحال کا جائزہ لیں اور بجلی کی فراہمی کو جلد از جلد بحال کریں۔