فڈنویس پارٹی قیادت سے درخواست کریں گے کہ انہیں نائب وزیر اعلیٰ کے عہدہ کی ذمہ داری سے فارغ کیا جائے

ممبئی:5 جون۔مہاراشٹر کے نائب وزیر اعلیٰ دیویندر فڈنویس پارٹی قیادت سے درخواست کریں گے کہ انہیں عہدے کی ذمہ داری سے فارغ کیا جائے۔ انہوں نے بدھ کو کہا کہ وہ اس سال ستمبر-اکتوبر میں ہونے والے آئندہ اسمبلی انتخابات کی تیاریوں پر پوری توجہ مرکوز کریں گے، دیویندر فڑنویس کا یہ بیان لوک سبھا انتخابات میں بی جے پی کی مایوس کن مظاہرہ کے تناظر میں آیا ہے۔ دیویندر فڑنویس نے پریس کانفرنس کے دوران کہا، "میں سینئر لیڈروں سے درخواست کروں گا کہ وہ میرا استعفیٰ قبول کرلیں۔ مجھے اسمبلی انتخابات کے لیے کام کرنے کا موقع دیں، 45 کا ہدف حاصل کرنے میں ناکام رہنے کے بعد، مہا یوتی کو 17 اور مہا وکاس اگھاڑی کو 17 سیٹیں ملی ہیں۔” انہوں نے کہا کہ ہار کی ساری ذمہ داری میری ہے، میں ہار ماننے والا نہیں ہوں، لیکن میں پوری طرح کام کرنا چاہتا ہوں۔ میں باہر ہوں، دیویندر فڑنویس نے پارٹی کے سینئر لیڈروں کی میٹنگ کی صدارت کی تھی۔لوک سبھا انتخابات میں بی جے پی کی مایوس کن مظاہرہ کے پیش نظر صورتحال پر تبادلہ خیال کیا گیا۔ فڑنویس نے کہا، ’’ہمیں مہاراشٹر میں امید کے مطابق کامیابی نہیں ملی۔ ہمیں توقع سے بہت کم نشستیں ملیں۔ مہاراشٹرا میں ہماری لڑائی نہ صرف مہا وکاس اگھاڑی سے تھی بلکہ مخالفین کے اس بیانیہ سے بھی تھی کہ اگر بی جے پی کی قیادت والی این ڈی اے دوبارہ اقتدار میں آتی ہے تو آئین کو بدل دیا جائے گا۔