”پہلا کھرب پتی ”بننے کی پیش گوئی کے بعد ایلون مسک کو 350 ارب ڈالر کا دھچکا

واشنگٹن:25؍جون:اسپیس ایکس کے حصص میں اچانک اور شدید فروخت کے رجحان نے ایلون مسک کی دولت کو بھاری نقصان سے دوچار کر دیا ہے، جس کے نتیجے میں چند ہی دنوں میں ان کی مجموعی دولت سے سینکڑوں ارب ڈالر غائب ہو گئے۔یہ صورتحال مصنوعی ذہانت اور خلائی ٹیکنالوجی کمپنیوں کی بلند ترین ویلیویشنز کے لیے ایک سخت امتحان قرار دی جا رہی ہے، جبکہ کارپوریٹ گورننس اور حد سے زیادہ اندازوں پر بھی سوالات اٹھائے جا رہے ہیں۔رپورٹس کے مطابق ایلون مسک کی دولت میں 300 ارب ڈالر سے زائد کمی واقع ہوئی ہے، جو اسپیس ایکس کے شیئرز میں مسلسل تیسرے روز فروخت کے دبا کے ساتھ جاری رہی۔ اس کمی نے اس شاندار اضافے کو بھی ختم کر دیا جو کمپنی کے ریکارڈ آغاز کے بعد دیکھا گیا تھا، تاہم بعد ازاں حصص کی گراوٹ تھم گئی۔پیر کے روز اسپیس ایکس کے شیئرز میں 16اعشاریہ4 فیصد کمی ریکارڈ کی گئی، جس کے بعد قیمت 155 ڈالر کی سطح سے نیچے چلی گئی اور یہ اپنی ابتدائی لسٹنگ قیمت 160 ڈالر سے بھی کم ہو گئی۔بعد ازاں منگل کے روز معمولی بہتری دیکھی گئی، جب شیئرز میں تقریبا 1 فیصد اضافہ ہوا اور قیمت 156اعشاریہ11 ڈالر تک پہنچ گئی۔اسپیس ایکس کے حصص اپنی بلند ترین سطح 225اعشاریہ64 ڈالر (16 جون) سے اب تک 31 فیصد سے زائد گر چکے ہیں، جس کے نتیجے میں ایلون مسک کی مجموعی دولت میں نمایاں کمی واقع ہوئی ہے۔فوربس بلینئرز انڈیکس کے مطابق ان کی دولت ریکارڈ سطح 1اعشاریہ45 ٹریلین ڈالر سے کم ہو کر 1اعشاریہ1 ٹریلین ڈالر سے نیچے آ گئی ہے۔رپورٹس کے مطابق صرف ایک تجارتی سیشن میں ہونے والی گراوٹ نے تقریبا 152 ارب ڈالر کی دولت کو ختم کر دیا، جو اب تک کی سب سے بڑی یومیہ مالی کمیوں میں سے ایک شمار کی جا رہی ہے۔ایلون مسک کے پاس اسپیس ایکس میں تقریبا 38 فیصد حصص ہیں، جن میں تقریبا 4اعشاریہ8 ارب شیئرز اور 350 ملین اسٹاک آپشنز شامل ہیں، جن کی قیمت صرف 8اعشاریہ40 ڈالر فی شیئر ہے۔یہی وجہ ہے کہ ان کی دولت کمپنی کے شیئرز کی معمولی حرکت سے بھی شدید متاثر ہوتی ہے۔شیئرز پر دبا اس وقت بڑھا جب ریٹنگ ایجنسی MSCI نے کمپنی کی درجہ بندی کم کر کے CCC کر دی، جو پائیداری کے معیار پر سب سے نچلا درجہ ہے۔رپورٹ میں کمپنی کو ماحولیاتی، سماجی اور گورننس (ESG) خطرات کے حوالے سے سنگین مسائل کا شکار قرار دیا گیا۔اس کے ساتھ ہی کمپنی نے ایک طویل المدتی منصوبے کے تحت قرض کی ری اسٹرکچرنگ کے لیے بانڈز جاری کرنے کا اعلان کیا ہے، تاکہ شیئر ہولڈرز کی ملکیت میں کمی کیے بغیر مالی دبا کو سنبھالا جا سکے۔اعداد و شمار کے مطابق اسپیس ایکس کی مارکیٹ ویلیو اپنی بلند ترین سطح 2اعشاریہ99 ٹریلین ڈالر (16 جون) سے کم ہو کر تقریبا 2 ٹریلین ڈالر رہ گئی ہے، جس کے نتیجے میں کمپنی عالمی درجہ بندی میں چوتھے سے گر کر ساتویں نمبر پر آ گئی ہے، اب یہ TSMC کے پیچھے ہے۔اسی دوران کمپنی نے AI اسٹارٹ اپ Reflection AI کے ساتھ ایک بڑا معاہدہ بھی کیا ہے، جس کے تحت کمپنی کو Nvidia کے جدید چِپس استعمال کرتے ہوئے ماڈلز کی تربیت کے لیے خدمات فراہم کی جائیں گی۔معاہدے کی مجموعی مالیت 6اعشاریہ3 ارب ڈالر تک پہنچ سکتی ہے، جبکہ ادائیگی کا آغاز جولائی 2026 سے متوقع ہے۔ابتدائی دنوں میں مضبوط طلب کے باعث شیئرز میں 67 فیصد اضافہ ہوا تھا، تاہم بعد ازاں بڑھتے ہوئے خدشات اور منفی رجحان نے اس رفتار کو الٹ دیا۔سافٹ ویئر کمپنی Cursor کے 60 ارب ڈالر کے حصول (جو زیادہ تر حصص کے ذریعے فنڈ کیا گیا ہے) نے سرمایہ کاروں میں تشویش پیدا کر دی ہے کہ اس سے موجودہ شیئر ہولڈرز کی ملکیت میں تقریبا 3اعشاریہ4 فیصد کمی واقع ہو سکتی ہے۔اس صورتحال کے بعد سرمایہ کاری ادارے مورنینگ اسٹار (Morningstar) سمیت دیگر تجزیہ کاروں نے کمپنی کے منصفانہ شیئر ویلیو کے اندازوں میں کمی کر دی ہے اور خبردار کیا ہے کہ موجودہ قیمتیں حد سے زیادہ بڑھا چڑھا کر پیش کی جا رہی ہیں۔ماہرین نے کمپنی کے گورننس ماڈل پر بھی تنقید کی ہے، خصوصا ایلون مسک کے پاس ووٹنگ حقوق پر تقریبا مکمل کنٹرول کو تشویشناک قرار دیا گیا ہے۔ان کے مطابق یہ صورتحال سرمایہ کاروں کے اعتماد کے لیے ایک بڑا سوالیہ نشان ہے۔کچھ تجزیہ کاروں نے یہ بھی خبردار کیا ہے کہ شیئرز کا رجحان اب ”میم اسٹاک” کی طرف جا سکتا ہے، جہاں قیمتیں بنیادی معاشی عوامل کے بجائے زیادہ تر قیاس آرائی اور جذباتی سرمایہ کاری کی بنیاد پر چلتی ہیں۔