کیرالہ حکومت 80 ہزار اساتذہ کو اے آئی ٹریننگ فراہم کرے گی

ترواننت پورم:23 اپریل: کیرالہ حکومت اپنے 80,000 سیکنڈری اسکولوں کے اساتذہ کو تین روزہ اے آئی ٹریننگ کے لیے بھیجے گی یہ تربیت کیرالہ انفراسٹرکچر اینڈ ٹیکنالوجی فار ایجوکیشن (کائٹ) کے ذریعے کی جا رہی ہے۔ اے آئی کی تربیت پی ڈی ایف، تصاویر اور ویڈیوز کے ذریعے دی جائے گی۔ اساتذہ بصری تخلیق اور تدوین کرنے، انہیں کارٹون یا پینٹنگز میں تبدیل کرنے اور تصویروں کے ساتھ متن کو مربوط کرنے کی تکنیک سیکھیں گے۔ کائٹ کے چیف ایگزیکٹیو آفیسر کے۔ انور سعادت نے کہا کہ یہ پروگرام اساتذہ کو اے آئی کے ذمہ دارانہ استعمال کے کلچر کو فروغ دیتے ہوئے اے آئی سے منسلک ممکنہ خطرات کی نشاندہی کرنے کا موقع فراہم کرے گا۔ ہر بیچ میں 25 اساتذہ ہوں گے جو اپنے لیپ ٹاپ اور موبائل فون استعمال کریں گے۔ کائٹ کے کل 180 ماسٹر ٹرینرز اس کے لیے ایک ماہ کی تربیت مکمل کر چکے ہیں۔