قندہار میں 1 لاکھ 88 ہزار 298 روپئے کا گٹکھا ضبط

ناندیڑ:11؍اپریل(نمائندہ اعتبار) قندہار پولیس اسٹیشن کے حدود میں واقع ہتائی پورہ میں ایک شخص کے گھر سے مہاراشٹر حکومت کی جانب سے ممنوع کردہ گٹکھا کا ذخیرہ موجود ہونے کی خفیہ اطلاع ملنے کے بعد لوکل کرائم برانچ ناندیڑ کے پولیس افسران و ملازمین نے شیخ نوشاد شیخ طاہر ( ساکن ہتائی پورہ، قندہار) کے گھر پر چھاپہ مارا، اور ممنوعہ گٹکھے کا ذخیرہ (مالیت 1 لاکھ 88 ہزار 298 روپئے ) ضبط کیا۔ اس سلسلے میں پولیس نے شیخ نوشاد شیخ طاہر ( ساکن ہتائی پور، قندہار، ضلع ناندیڑ) کے خلاف قندہار پولیس اسٹیشن میں ایف آئی آرنمبر 130/2024 تعزیرات ہند کی دفعہ 328,272,273 کے علاوہ دیگر دفعات کے تحت مقدمہ درج کیا۔ مذکورہ کارروائی ناندیڑ ضلع پولیس سپرنٹنڈنٹ شری کرشن کوکاٹے و ایڈیشنل سپرنٹنڈنٹ ابیناش کمار، ایڈیشنل سپرنٹنڈنٹ بھوکر کھنڈے رائے دھرنے کی رہنمائی میں لوکل کرائم برانچ کےانسپکٹر اُدیے کھنڈے رائے، سب انسپکٹر روی واہوڑے، ہیڈکانسٹبل گنڈے راؤ کرلے، پولیس نائیک وتھل شیڑکے، پولیس کانسٹبل بالاجی یادگیرواڑ، جیوالا سنگھ باؤری، گجانن بینواڑ، کرن بابر، ارجن شندے وغیرہ نے انجام دی۔