بالور گرام پنچائت کو نگر پنچایت کا درجہ دینے کا پرزور مطالبہ

سیلو :4؍نومبر(ابرار بیگ) سيلو تعلقہ کا انتهائي اہم، تاريخي اور نظام دور کی ميراث کا حامل گاؤں بالور اس وقت انتظامي بے رخي اور بڑھتی ہوئی آبادی كے مسائل سے نبرد آزما ہے۔ جينتور-سيلو قانون ساز اسمبلي حلقے کا سياسي طور پر بااثر اور مرکزى حيثيت رکھنے والا بالور گاؤں اس علاقے کا سب سے بڑا گاؤں مانا جاتا ہے۔ ان تمام امور کے مدنظر اب بالور گرام پنچائيت کو نگر پنچائيت کا درجہ ديئے جانے کا شعور رکھنے والے مقامی شہريوں اور عوام کی جانب سے پرزور مطالبہ كيا جا رہا ہے۔بالور کو تاريخی اور نظام دور کی عظيم ميراث حاصل ہے۔ يہ پورا علاقہ ایک بڑی تجارتی منڈی کے طور پر جانا جاتا ہے۔ آس پاس کے متعدد ديہات کے رہائشی روزمرہ کی خريداری، تجارت اور ديگر کاموں کے لیے بالور پر ہی انحصار کرتے ہیں يہ گاؤں ضلع پريشد سرکل کا بنيادی مرکز ہے اور يہاں سيلو تعلقہ کی سب سے بڑی 17 اركان پر مشتمل گرام پنچائيت قائم ہے۔2011ء کی سركاری مردم شماری کے مطابق بالور کی آبادی تقريباً 11,008 تھی، تاہم گزشتہ 15 سالوں میں گاؤں میں زبردست توسيع ہوئی ہے اور 2026ء ميں اس کی موجودہ تخمينہ شدہ آبادی 20 سے 30 ہزار کے قريب پہنچ چکی ہے۔اس قدر کثير آبادی کے بوجھ کو سنبھالنے میں 17 اركان والی موجودہ گرام پنچائيت کا انتظامی ڈھانچہ ناكافی ثابت ہو رہا ہے۔ گاؤں کی سڑکيں، پينے کے پانی کی فراہمی، گندے پانی کا نکاس، صفائی اور بجلی کا نظام جیسی بنيادی سہوليات فراہم کرنے میں گرام پنچائيت پر بھاری دباؤ ہے۔ آبادی کے تناسب سے ملنے والے ترقياتی فنڈز ناكافي ہونے کی وجہ سے شہری مسائل سنگين صورتحال اختيار کر رہے ہیں۔اگر بالور کو ‘نگر پنچائيت’ کا درجہ ملتا ہے تو حکومت کی جانب سے براہِ راست اور بڑے پيمانے پر ترقياتی فنڈز موصول ہوں گے۔ پختہ سڑکيں، زيرِ زمين نالیاں اور کچرے کی مناسب منتقلی و انتظام ممکن ہو سکے گا پينے کے پانی کا مستقل اور منظم نظام قائم ہوگا۔ گاؤں میں تجارتی سہوليات اور روزگار کے نئے مواقع ميسر آئیں گے۔ شہريوں کو اعلیٰ درجے کی شہری سہوليات حاصل کرنے میں مدد ملے گی۔بالور کی تاريخی حيثيت، تجارتی پس منظر اور موجودہ 20 سے 30 ہزار کی آبادی کو مدنظر رکھتے ہوئے حکومت اور عوامی نمائندے فوری اقدامات کریں اور بالور کو بلا تاخير ‘نگر پنچائيت’ قرار دیں اس بات کا پرزور مطالبہ اب بالور کے عوام کی طرف سے شدت اختيار کرتا جا رہا ہے۔