سٹی اسٹریٹ سیفٹی ٹیم کی جانب سے عوامی مقامات پر شراب پی کر امن و امان میں خلل ڈالنے والے افراد کے خلاف سخت کارروائی

ناندیڑ: 3؍مارچ (نمائندہ اعتبار) ضلع پولیس سپرنٹنڈنٹ ابیناش کمار کی ہدایت پر شہر میں عوامی مقامات پر ہونے والے جرائم پر قابو پانے کے لیے قائم کردہ ’’ناندیڑ سٹی اسٹریٹ سیفٹی ڈرائیو‘‘ کے تحت ٹیم نے کارروائی انجام دی۔ اس مہم کو سورج گرو کی رہنمائی میںٹیم کے سربراہ سب انسپکٹر بھاگوت ناگرگوجے اور دیگر پولیس اہلکاروں نے 01 اور 02 اپریل 2026 کو مختلف علاقوں میں نافذ کیا۔
(۱) ایئرپورٹ علاقہ: گشت کے دوران وسنت راؤ نائک چوک سے آنند نگر جانے والی سڑک پر بغیر نمبر پلیٹ موٹر سائیکل پائی گئی، جس پر موٹر وہیکل ایکٹ کے تحت 500 روپئے جرمانہ عائد کیا گیا۔ اس کے علاوہ علاقے میں شراب کی دکانوں، وائن شاپس اور ہوٹلوں کی جانچ کی گئی۔
(۳) وزیرآباد: بس اسٹینڈ پر 2 افراد شراب نوشی کرکے عوامی امن میں خلل ڈالتے ہوئے پائے گئے، جن کے خلاف دفعہ 110/117 مہاراشٹر پولیس قانون کے تحت کارروائی کی گئی۔ ساتھ ہی علاقے میں شراب کی دکانوں اور ہوٹلوں کی تلاشی لی گئی۔
(۳) ناندیڑ دیہی: ایم آئی ڈی سی علاقے میں گشت کے دوران 2 افراد شراب پی کر ہنگامہ کرتے ہوئے ملے، جن پر دفعہ 110/117 کے تحت کارروائی کی گئی۔ اس کے علاوہ متعلقہ علاقوں میں بھی جانچ کی گئی۔
(۴) بھاگیہ نگر: اشوک نگر جانے والی سڑک پر ایک بغیر نمبر کی موٹر سائیکل پر 500 روپئے جرمانہ کیا گیا۔ چھترپتی چوک اور زراعت میدان میں 3 افراد شراب پی کر امن میں خلل ڈالتے ہوئے پائے گئے، جن کے خلاف قانونی کارروائی کی گئی۔ اس کے ساتھ ساتھ علاقے میں شراب کی دکانوں اور ہوٹلوں کی جانچ بھی کی گئی۔
(۵) دامنی ٹیم : دگلور ناکہ اور برکی چوک میں 10 افراد شور و غل کرتے ہوئے عوامی امن میں خلل ڈال رہے تھے، جنہیں پکڑ کر پولیس اسٹیشن اٹوارہ میں دفعہ 110/117 کے تحت کارروائی کی گئی۔
آخر میں ضلع پولیس سپرنٹنڈنٹ ابیناش کمار نے عوام سے اپیل کی کہ کوئی بھی شخص عوامی مقامات پر شراب نوشی نہ کرے اور نہ ہی ایسے افراد کو سہولت فراہم کرے، بصورت دیگر سخت قانونی کارروائی کی جائے گی۔