ضلع پریشد پرائمری اردو اسکول کنیا سیلو میں رمضان کے موقع پر انعامی تقریب

سیلو :28؍مارچ (ضلع نامہ نگار اعتبار نیوز محمد سرور شریف)ضلع پریشد پرائمری اردو اسکول کنیا سیلو کی جانب سے جمعہ بتاریخ 27؍مارچ ایک مختصر مگر بامقصد پروگرام منعقد کیا گیا۔ پروگرام کا آغاز نعتِ پاک سے ہوا۔ اس تقریب کا مقصد ماہِ رمضان المبارک مکمل روزے رکھنے والے طلبہ کی حوصلہ افزائی کرنا تھا۔اس موقع پر ساتویں جماعت کی طالبہ زویا شیخ اسلام نے پہلا مقام حاصل کیا جبکہ چھٹی جماعت کی طالبہ ارم شیخ رفیق دوسرے نمبر پر رہیں۔ دونوں طالبات نے رمضان المبارک کے مکمل 30 روزے رکھے۔ہیڈ ماسٹر صاحبہ سیدہ راحیلہ اور اسکول کی صدر صاحبہ فرزانہ خان کے ہاتھوں طالبات کو ہاتھ کی گھڑیاں بطور انعام پیش کی گئیں۔ تقریب کے اختتام پر محمد بشرالدین قاضی سر نے حاضرین کا شکریہ ادا کیا۔