محمد یوسف ابن محمد اظہر الدین کا پہلا روزہ

ناندیڑ: 23؍فروری ( راست) حیدر باغ کے کم سن طالب علم محمد یوسف ابن محمد اظہر الدین نے 7 سال کی عمر میں اپنی زندگی کا پہلا روزہ رکھ کر اہلِ خانہ کو مسرت سے سرشار کر دیا۔ ننھی سی عمر میں روزہ رکھنا یقیناً عزم، حوصلے اور دینی ذوق کی علامت ہے، جس کا مظاہرہ محمد یوسف نے بھرپور انداز میں کیا۔اہلِ خانہ نے محمد یوسف کی اس نیک کوشش پر خوشی کا اظہار کرتے ہوئے انہیں دعاؤں سے نوازا اور ان کے روشن و کامیاب مستقبل کے لیے نیک تمناؤں کا اظہار کیا۔ کم عمری میں عبادت کا شوق قابلِ تحسین ہے اور معاشرے کے لیے خوش آئند پیغام بھی۔اللہ تعالیٰ سے دعا ہےکہمحمد یوسف کو دین و دنیا کی کامیابیوں سے سرفراز فرمائے، انہیں صحت و عافیت کے ساتھ نیک راستے پر قائم رکھے، علم و عمل میں برکت عطا کرے اور ان کے اس معصوم جذبے کو اپنی بارگاہ میں قبول فرمائے۔ آمین۔