رمضان اے رمضان

تو رحمت بن کر آیا ہے
بہاریں ساتھ لایا ہے
کہ ہر سو ذکر قرآں ہے
رمضان اے رمضان

تو ہی جان مسلمان ہے
تو ہی تو ماہ ایماں ہے
تو دردِ دل کا درماں ہے
رمضان اے رمضان

مساجد ہو گئیں آباد
لو دل بھی ہو گیا ہے شاد
ہوا تازہ پھر ایماں ہے
رمضان اے رمضان

ترا احسان ہے سب پر
امیروں پر غریبوں پر
تو مغفرت کا ساماں ہے
رمضان اے رمضان

وہی افطار کی رونق
وہ سحری کی سبھی برکت
یہ تیرے بعد ویراں ہے
رمضان اے رمضان

تو اگلے سال آئیگا
ہمیں جنت لے جائیگا
تو چند دن کا ہی مہماں ہے
رمضان اے رمضان

روبینہ علاؤالدین رنگاری
بھیونڈی مہاراشٹرا