ریاستی مثالی معلم ایوارڈ تقسیم کرنے کی تقریب منعقد

پربھنی:29جنوری ( نامہ نگار) مہاراشٹر راجیہ اُردو شکشک سنگھٹنا اور زین فاؤنڈیشن، پربھنی کے زیر اہتمام28 جنوری کو پاڈیلا فنکشن ہال، وکیل کالونی، پربھنی میں ریاستی مثالی معلم ایوارڈ تقسیم کرنے کی تقریب منعقد کی گئی۔ اس موقع پر رکن راجیہ سبھا محترمہ فوزیہ تحسین خان ، صدر زین فاؤنڈیشن محمد غوث جان کے علاوہ کثیر تعداد میں مختلف سیاسی و سماجی شخصیات اور معززین موجود تھے۔ اس پُروقار و شاندار تقریب میں تعلیمی میدان میں اپنی گرا ں قدر خدمات انجام دینے کے عوض محترمہ فہیم النساءباجی (نرسی)،جناب اختر حسین سر(بسمت) ، عمران شیر خان سر (کروندا ) ، جناب ادریس سر (ہنگولی)، جناب شیخ قدوس سر (ہائی اسکول ہنگولی ) و دیگر اساتذہ کو رکن راجیہ سبھا محترمہ فوزیہ تحسین خان کے ہاتھوں ریاستی مثالی معلّم ایوارڈ سے نوازہ گیا۔ مذکورہ اساتذہ کو ایوارڈ کے ملنے پر تعلیمی حلقوں میں خوشی و مسرت کا اظہار کیا جارہا ہے۔