اورنگ آباد ایجوکیشن ایکسپو :پروین انسٹی ٹیوٹ کی جانب سے کوکنگ مقابلے کا شاندارانعقاد

اورنگ آباد:16؍دسمبر (خان افراء تسکین) اورنگ آباد کے عام خاص میدان میں جاری چوتھے اورنگ آباد ایجوکیشن ایکسپو 2025 کے دوسرے دن صبح کے سیشن میں پروین انسٹی ٹیوٹ کی جانب سے کوکنگ مقابلے کا شاندار انعقاد عمل میں آیا۔ اس مقابلے میں مجموعی طور پر 30 شرکاء نے بڑھ چڑھ کر حصہ لیا اور اپنی بہترین کوکنگ صلاحیتوں کا عملی مظاہرہ پیش کیا۔ کوکنگ مقابلے میں بطور ججس محترمہ گلناز شیرین، ڈاکٹر شہباز زرین، ڈاکٹر آسیفہ بیگم، تسنیمہ خان، آکفہ بیگ، رضوانہ پٹیل، ڈاکٹر فردوس فاطمہ اور شمشاد بیگم نے فرائض بخوبی انجام دیئے انجام دیئے۔ ججز نے شرکاء کی ۔پیشکش، ذائقہ اور صفائی کو مدِنظر رکھتے ہوئے نتائج مرتب کیے اور مقابلے کے اعلیٰ معیار کو سراہا۔اسی موقع پر پروین انسٹی ٹیوٹ کی جانب سے مہندی مقابلہ، پوسٹر میکنگ مقابلہ اور میک اپ مقابلہ منعقد کرنے کا بھی باضابطہ اعلان کیا گیا، جن میں خواتین کی بڑی تعداد کی شرکت متوقع ہے۔ منتظمین کے مطابق تمام مقابلوں کے انعامات کا اعلان ہفتہ، 20 دسمبر 2025 کو ایجوکیشن ایکسپو کے صبح کے سیشن میں کیا جائے گا۔ ان سرگرمیوں کا بنیادی مقصد خواتین کو خود کفیل بنانا اور سماج کو یہ پیغام دینا ہے کہ خواتین گھر بیٹھے بھی اپنی صلاحیتوں کے ذریعے خود روزگار حاصل کر سکتی ہیں۔ اس طرح کے مقابلے خواتین میں خود اعتمادی پیدا کرنے اور انہیں عملی میدان میں آگے بڑھنے کا حوصلہ فراہم کرتے ہیں۔