اقرا شاہین کے طلباء نے ماتوشری آننداشرم اور دماغی معذوری کے شعبے کا دورہ کیا

جلگاؤں :12؍دسمبر(راست)10؍دسمبر کو اقرا شاہین اردو ہائی اسکول،مہرون، جلگاؤں کے کلاس نہم کے 20 طلباء نے ماتوشری آننداشرم (اولڈ ایج ہوم)ساوکھڑے شیوار، جلگاؤں کا دورہ کیا اور یہ جاننے کی کوشش کی کہ وہاں بزرگوں کا خیال کیسے رکھا جاتا ہے؟ ان کے کھانے کا انتظام کیسا ہے؟ ان کا معمول کیا ہے؟ ساتھی ہی انہوں نے یہاں ذہنی طور پر معذور بچوں کے لیے محکمہ کا دورہ بھی کیا اور ان کے معمولات کے بارے میں معلومات حاصل کیں۔ اس موقع پر 53 بزرگ اور 36 ذہنی معذور افراد کو بسکٹ، فروٹ دیئے گئے۔ اس وقت ان کا یہ حال دیکھ کر لڑکیوں کی آنکھیں آنسوؤں سے بھر گئیں۔ انہیں اس کے ذریعے گھر کے بزرگوں کا خیال رکھنا سکھایا گیا۔ انہیں زندگی میں اچھے کام کرنے کا پیغام بھی ملا۔مذکورہ دورے کی منصوبہ بندی اور پروگرام شیخ روشن اور تنجم آرا نے کیا تھا۔ پروگرام کی کامیابی کو یقینی بنانے کے لیے شیخ ذاکر بشیر نے کوششیں کیں جبکہ اسکول کے پرنسپل قاضی ضمیر الدین نے پروگرام کی رہنمائی کی۔