ناندیڑ کے سینئر صحافی محمد صادق کو بہترین صحافتی ایوارڈ 

ناندیڑ:29؍ستمبر(نامہ نگار)مہاراشٹر اردو ساہتیہ اکیڈمی ممبئی کی جانب سے دیا جانے والاصحافتی ایوارڈ کے لیے ناندیڑ کے سینئرصحافی اور روزنامہ کامل یقین کے ایڈیٹر محمد صادق کو بہترین صحافتی ایوارڈ دینے کا اعلان کیا گیا ہے۔ ہر سال مہاراشٹر اسٹیٹ اردو ساہتیہ اکیڈمی مختلف شعبوں میں نمایاں کام کرنے والے افراد کو ایوارڈز دے کر نوازتی ہے۔ اقلیتی امور کی وزارت کی طرف سے سال 2021 کے لیے دیا جانے والا یہ ایوارڈ 6 تا 8 اکتوبر کے درمیان ممبئی میں منعقد ہونے والے شاندار تقریب میں دیا جائے گا۔ مہاراشٹرا اسٹیٹ اردو ساہتیہ اکیڈمی کی جانب سے اُردو زبان و ادب میں نمایاں خدمات انجام دینے والی شخصیات کو ایوارڈ اور اعزازات سے نوازا جاتا ہے۔ شعبہ صحافت میں نمایاں خدمات انجام دینے والی شخصیات کو بھی صحافتی ایوارڈ سے نوازا جاتا ہے۔ اردو اکیڈمی ممبئی نے اس بار سال 2021، 2022 اور 2023 کے ایوارڈس کا اعلان کیا ہے۔ سال 2021 کے بہترین صحافتی ایوارڈ کے لیے ناندیڑ کے سینیئر صحافی و روزنامہ کامل یقین کے ایڈیٹر محمد صادق کے نام کا اعلان کیا گیا ہے۔ محمد صادق گزشتہ کئی برسوں سے اس شعبے میں اپنی خدمات انجام دے رہے ہیں۔ اُنہیں یہ ایوارڈ ڈکلیئر ہونے سیاسی، سماجی اور ملی تنظمیوں کی جانب سے مبارکباد پیش کی جا رہی ہے۔