کانگریس ضلع صدر راجیش پائوڑے کی تہنیتی تقریب اورکانگریس پارٹی جلسہ

ناندیڑ:13 ستمبر( نامہ نگار ):کانگریس کمیٹی ناندیڑ ضلع کے شمال صدر راجیش پائوڑے کی سالگرہ کے موقع پر 15؍ ستمبر بروز پیر کو صبح 11؍ بجے وامن رائو منگل کاریالیہ پورنہ روڈ ناندیڑ میں ان کا تہنیتی جلسہ اور کانگریس پارٹی کا ایک اجلاس عام رکھا گیا ہے۔ اس پروگرام کی صدارت ناندیڑ ضلع کے رکن پارلیمنٹ رویندر چوہان فرمائیں گے۔ مہمان خصوصی کے طو رپر کانگریس کمیٹی کے مہاراشٹرا صدر ہرش وردھن سپکاڑ ، سابقہ صدر نانا پٹولے ، سابق وزیر امیت دیشمکھ ، رکن پارلیمنٹ کلیان کاڑے ، چندر کانت ہنڈورے، رکن اسمبلی آکولہ ساجد پٹھان ، سابق ایم پی تکارام رینگے پاٹل، ناندیڑ شہر کے اسمبلی حلقوں کے انچارج عبدالحفیظ، سابق ایم ایل اے ایشور رائو بھوسی کر، مادھو ررائو جوڑ گائونکر، ضلع صدر ہنمنت پاٹل، شہر صدر عبدالستار و دیگر شرکت کریںگے۔ اس پروگرام میں کانگریس پارٹی کے قائدین اور ورکرس سے کثیر تعداد میں شرکت کی اپیل کی گئی ہے۔