کنوٹ میں وقف ترمیمی بل کے خلاف کالی پٹی باندھ کر احتجاج

کنوٹ:28؍مارچ(اکرم چوہان) وقف ترمیمی بل 2024 کے خلاف جمعۃ الوداع کے موقع پر کنوٹ شہر کی تمام مساجد میں نو جوانوں اور نمازیوں نے اپنے بازو پر کالی پٹی باندھ کر احتجاج کیا،اس موقع پر مفتی صدیقِ فلاحی نے کہا کہ مسلم پرسنل لاء میں کِسی بھی قِسم کی مداخلت برداشت نہیں کیجائے گی ۔وہیں وقف ترمیمی بل ایک گھناؤنی سازش ہے،جس کا واضع مقصد مسلمانوں کو اُن کی مساجد ،عیدگاہوں ،مدارس،درس گاہوں،قبرستان اور اُن کے خیراتی اداروں سے انہیں محروم کرنا ہے ،اگر یہ بل منظور کر لیا گیا تو مسلمانوں کے ہاتھ سینکڑوں مساجد،عید گاہیں،قبرستان،متعدد خیراتی ادارے ہاتھ سے نکلجائیں گے،اس لئے تمام مُسلم سماج اس بل کی مخالفت کرتا ہے۔