نیٹ امتحان کے داخلہ کارڈ آن لائن جاری

جلگاؤں:30؍اپریل (شیخ آصف) نیشنل ٹیسٹنگ ایجنسی (NTA) کی جانب سے نیٹ یو جی 2026 امتحان کے داخلہ کارڈ آن لائن جاری کر دیے گئے ہیں۔ طلبہ سرکاری ویب سائٹ سے اپنا داخلہ کارڈ ڈاؤن لوڈ کر سکتے ہیں۔اس سال 22.79 لاکھ امیدوار نیٹ امتحان میں شریک ہوں گے۔ امتحان اتوار دوپہر 2 بجے سے شام 5 بجے تک منعقد ہوگا۔ ملک کے مختلف شہروں سمیت بیرون ملک بھی امتحانی مراکز قائم کیے گئے ہیں۔نیٹ امتحان میڈیکل شعبے میں داخلے کے لیے منعقد کیا جاتا ہے، جس کے ذریعے ایم بی بی ایس، بی ڈی ایس، آیوروید، ہومیوپیتھی، یونانی اور دیگر طبی کورسز میں داخلہ حاصل کیا جا سکتا ہے۔طلبہ کو ہدایت دی گئی ہے کہ داخلہ کارڈ پر درج تمام معلومات، امتحانی مرکز کا پتہ اور رپورٹنگ وقت اچھی طرح چیک کریں۔ امتحان کے دن داخلہ کارڈ، اصل شناختی کارڈ اور پاسپورٹ سائز تصویر ساتھ لانا لازمی ہوگا۔داخلہ کارڈ میں کسی بھی غلطی کی صورت میں فوراً این ٹی اے ہیلپ لائن سے رابطہ کرنے کی اپیل کی گئی ہے۔