ناندیڑ میں جئے بھیم Gen Z ٹاؤن ہال؛ سجات امبیڈکر 31 اکتوبر کو نوجوانوں سے کریں گے چرچہ

ناندیڑ :29؍اکتوبر(اکرم چوہان) – ونچت بہوجن اگھاڑی کی جانب سے درج فہرست ذات (SC)، درج فہرست قبیلہ (ST) اور دیگر پسماندہ طبقہ (OBC) کے نوجوانوں سے مکالمہ کرنے کے لیے "جئے بھیم Gen Z” اس خصوصی ٹاؤن ہال پروگرام کا اہتمام کیا گیا ہے۔ جمعرات، 31 اکتوبر 2026 کو شام 6 بجے ناندیڑ کے شنکر راؤ سبھا گرہ میں یہ پروگرام ہونے والا ہے، ایسی معلومات منتظمین نے دی۔اس پروگرام میں ونچت بہوجن اگھاڑی کے نوجوان لیڈر سجات امبیڈکر نوجوانوں سے براہ راست مکالمہ کریں گے۔ نئی نسل کے نوجوانوں کے سوالات، ان کی امیدیں، تعلیمی مواقع، روزگار کے مسائل اور سماجی انصاف سے متعلق مختلف موضوعات پر اس مکالمے میں چرچا ہوگی۔آج کی بدلتی سماجی اور تعلیمی صورتحال میں نوجوانوں کے سامنے کھڑے چیلنجوں کو سمجھنا، ان کے سوالات رکھنے کے لیے اسٹیج فراہم کرنا اور ان کے حقوق کے بارے میں بیداری پیدا کرنا، یہ اس مہم کا اصل مقصد ہے۔خاص طور پر: بہوجن سماج کے نوجوانوں کو تعلیم، روزگار اور سماجی نمائندگی کے میدان میں دستیاب مواقع اور ان کے سامنے آنے والی رکاوٹوں پر اس پروگرام میں غور و فکر ہونے کی امید ہے۔جئے بھیم Gen Z یہ مہم نئی نسل کو سماجی تحریک سے جوڑنے کے لحاظ سے اہم سمجھی جاتی ہے۔ نوجوان اپنی پریشانیاں، خیالات اور امیدیں کھل کر رکھیں، اور سماجی تبدیلی کے عمل میں فعال حصہ لیں، اس لیے اس ٹاؤن ہال کا اہتمام کیا گیا ہے۔ اس سے پہلے چھترپتی سنبھاجی نگر (اورنگ آباد) میں منعقد اس پروگرام کو بڑا رسپانس ملا تھا۔اسی پس منظر میں ناندیڑ میں بھی اس مہم کا اہتمام کیا گیا ہے۔ اس پروگرام میں ناندیڑ اور آس پاس کے طلبہ، نوجوان لڑکے-لڑکیاں اور بہوجن سماج کے نوجوان حاضر رہ کر مکالمے میں حصہ لیں، ایسی اپیل ونچت بہوجن اگھاڑی کے قائد فاروق احمد کی جانب سے کی گئی ہے۔