ملکاپور تحصیل آفس میں مردم شُماری 2027 کے شمار کنندگان اور نگراں کا تربیتی کیمپ

ملکاپور : 25/ اپریل ( محمد احسان سر ) موصولہ معلومات کے مطابق ملکاپور تحصیل دفتر میں مردم شماری 2027 کے شمار کنندگان اور نگرانوں کی تربیت مکمل ہوئی. حکومتِ ہند کی آئندہ مردم شماری 2027 کی پیشگی تیاری کے تحت ملکاپور تحصیل دفتر کے تحت شمار کنندگان اور نگرانوں کے لیے تین روزہ تربیتی کیمپ کا انعقاد کیا گیا 23 اپریل سے 25 اپریل تک جاری رہنے والے اس تربیتی پروگرام کا افتتاح معززین کی موجودگی میں عمل میں آیا. اس تربیتی پروگرام میں رہنمائی کے لیے ملاکھاپور کے تحصیلدار سمدھان سونونے، زیرِ تربیت پریوشادھین نائب ضلع کلکٹر سرینواس پوار، رہائشی نائب تحصیلدار چاروشیلا چودھری اور محکمہ محصول کے نائب تحصیلدار نامدیو راٹھوڑ کی نمایاں موجودگی رہی. ملک کی ترقیاتی منصوبہ بندی میں مردم شماری کی خصوصی اہمیت اور اس کے تکنیکی طریقۂ کار پر اس تین روزہ تربیت میں خاص زور دیا گیا. اس تربیت کے لیے مجموعی طور پر دو بیچ بنائے گئے، جن میں 90 شمار کنندگان اور نگرانوں نے شرکت کی.علاقائی تربیت کار مہالے، منڈے، دیشمکھ اور پاٹل نے تربیت حاصل کرنے والوں کو مردم شماری کے اعداد و شمار جمع کرنے کے درست طریقے، نئی تکنیک اور عملی میدان میں کام کرتے وقت برتی جانے والی احتیاطی تدابیر کے بارے میں تفصیلی رہنمائی فراہم کی.اس موقع پر تحصیلدار سمدھان سونونے نے کہا کہ مردم شماری ملک کی آئندہ منصوبہ بندی کی بنیاد ہوتی ہے، اس لیے ہر شمار کنندہ کو معلومات انتہائی درستگی اور ذمہ داری کے ساتھ درج کرنی چاہیے. تربیت کو کامیاب بنانے کے لیے تحصیل دفتر کے ملازمین گجانن کھلے، کمپیوٹر آپریٹر پرشانت واکوڈے اور محکمہ محصول کے دیگر ملازمین نے خصوصی محنت کی.