خصوصی جامع نظرِ ثانی (SIR) مہم کے تحت سیاسی جماعتوں کے نمائندوں کو غیر وصول شدہ (Uncollectable) گنتی فارم والے ووٹروں کی فہرست فراہم

ناندیڑ: 27 جولائی(نمائندہ اعتبار)87 ناندیڑ جنوبی اسمبلی حلقے کے تحت کل 312 پولنگ اسٹیشنوں کی ووٹر فہرستوں کی خصوصی جامع نظرِ ثانی (Special Intensive Revision – SIR) کا عمل جاری ہے۔ اسی سلسلے میں آج 27 جولائی 2026 کو سب ڈویژنل آفیسر کے دفتر، ناندیڑ میں مختلف سیاسی جماعتوں کے نمائندوں کی ایک جائزہ میٹنگ منعقد کی گئی۔اجلاس میں مختلف سیاسی جماعتوں کے نمائندے شریک ہوئے۔ اس موقع پر اب تک تقسیم کیے گئے گنتی فارم (Enumeration Forms)، ووٹروں کی جانب سے دستخط کے ساتھ بوتھ لیول افسران (BLO) کو واپس جمع کرائے گئے فارم، نیز ڈیجیٹلائز کیے گئے فارموں کی تفصیلات تمام حاضرین کو فراہم کی گئیں۔87 ناندیڑ جنوبی اسمبلی حلقے میں آج تک 95 فیصد گنتی فارم تقسیم کیے جا چکے ہیں جبکہ 74 فیصد فارموں کی ڈیجیٹلائزیشن مکمل ہو چکی ہے۔ اس طرح مجموعی طور پر 85 فیصد کام مکمل ہو چکا ہے۔ اس سے قبل 22 جولائی کو منعقدہ اجلاس میں سیاسی جماعتوں کے بوتھ لیول ایجنٹس (BLA) سے اس مہم میں تعاون کی اپیل کی گئی تھی، جس کے بعد صرف پانچ دنوں میں 13 فیصد اضافی پیش رفت درج کی گئی۔اجلاس میں ان ووٹروں کی فہرست بھی سیاسی جماعتوں کے نمائندوں کو PDF کی شکل میں فراہم کی گئی جن کے نام ووٹر فہرست میں موجود ہیں، لیکن آج تک ان کے Enumeration Forms متعلقہ BLO کو موصول نہیں ہوئے۔ اسی طرح ان ووٹروں کی پولنگ اسٹیشن وار فہرست بھی دی گئی جن کے فارم Uncollectable (یعنی وفات، غیر حاضری، نقل مکانی، دوہرے اندراج یا دیگر وجوہات) کے طور پر نشان زد کیے گئے ہیں۔بتایا گیا کہ اگرچہ BLOs کی جانب سے فارم تقسیم کیے جا چکے ہیں، لیکن بڑی تعداد میں ووٹروں نے اب تک فارم بھر کر دستخط کے ساتھ واپس جمع نہیں کرائے ہیں۔ خاص طور پر سڈکو، ہڈکو، اٹوارہ، چوفالہ اور قلعہ روڈ کے علاقوں میں فارموں کی واپسی کی شرح کم ہونے کے باعث ان علاقوں کی مجموعی پیش رفت بھی نسبتاً کم ہے۔اس موقع پر ووٹروں سے اپیل کی گئی کہ جن کے فارم Uncollectable قرار دیے گئے ہیں، وہ ہر ممکن کوشش کرکے اپنے فارم متعلقہ BLO کے پاس جمع کرائیں۔ مزید کہا گیا کہ مقررہ مدت کے اندر جن ووٹروں نے اپنے فارم جمع نہیں کرائے یا جن کے فارم Uncollectable قرار دیے گئے ہیں، ان کے نام ابتدائی (مسودہ) ووٹر فہرست میں شامل نہیں کیے جائیں گے۔ صرف انہی ووٹروں کے نام مسودہ ووٹر فہرست میں شامل ہوں گے جن کے فارم BLO کو موصول ہوں گے۔یہ بھی واضح کیا گیا کہ جن ووٹروں کے نام ابتدائی ووٹر فہرست میں شامل نہیں ہوں گے، انہیں ضروری دستاویزی ثبوت پیش کیے بغیر حتمی ووٹر فہرست میں بھی شامل نہیں کیا جائے گا۔ یہ معلومات ڈاکٹر سچن کھلّال، رجسٹریشن آفیسر برائے رائے دہندگان، 87 ناندیڑ جنوبی اسمبلی حلقہ و سب ڈویژنل آفیسر، ناندیڑ نے اجلاس میں موجود نمائندوں کو دیں۔اس موقع پر سنجے وارکڑ (اسسٹنٹ رجسٹریشن آفیسر برائے رائے دہندگان و تحصیلدار ناندیڑ)، نتیش کمار بولولو (اسسٹنٹ رجسٹریشن آفیسر برائے رائے دہندگان و نائب تحصیلدار، انتخابات)، سنجے ناگمواڑ (نائب تحصیلدار، سب ڈویژنل دفتر)، 87 ناندیڑ جنوبی اسمبلی حلقے کے تمام اسسٹنٹ رجسٹریشن آفیسران اور مختلف سیاسی جماعتوں کے نمائندے موجود تھے۔